ସମ୍ବଲପୁର: ପଞ୍ଚାୟତ ନିର୍ବାଚନ ଶେଷ ହୋଇଛି। ନିର୍ବାଚନୀ ଉଷ୍ମତା ଏବେ ଅନୁଭୂତ ହେଉ ନାହିଁ। ତେବେ ନିର୍ବାଚନ ପରେ ଏବେ ବି ଏମିତି କିଛି ଖବର ଲୋକ ଲୋଚନକୁ ଆସୁଛି ଯାହା ଲୋକଙ୍କ ପାଇଁ ଚର୍ଚ୍ଚାର ବିଷୟ ହେଉଛି। ଯେମିତି କି ସମ୍ବଲପୁରର ଜଣେ ସରପଞ୍ଚ ପ୍ରାର୍ଥୀ ମାତ୍ର 2 ଟି ଭୋଟରେ ବିଜୟୀ ହୋଇଛନ୍ତି ।
ସମ୍ବଲପୁରରେ ୨ଟି ଭୋଟ୍ରେ ଜିତି ଚର୍ଚ୍ଚାରେ ସରପଞ୍ଚ
ସମ୍ବଲପୁର ଯୁଜୁମୁରା ବ୍ଲକର ଝାଙ୍କରପାଲି ପଞ୍ଚାୟତର ନିରଞ୍ଜନ ପଣ୍ଡା। ସେ ସଦ୍ୟ ସମାପ୍ତ ପଞ୍ଚାୟତ ନିର୍ବାଚନରେ ମାତ୍ର 2 ଟି ଭୋଟରେ ନିଜର ନିକଟତମ ପ୍ରତିଦ୍ବନ୍ଦ୍ବୀଙ୍କ ଠାରୁ ବିଜୟୀ ହୋଇଛନ୍ତି। ଏଥିପାଇଁ ଏବେ ସେ ବହୁତ ଖୁସି।ତେବେ ଏଥର କଡା ଟକ୍କର ହୋଇଥିଲା ବୋଲି ସେ କହିଛନ୍ତି । ବିଜୟ ଓ ପରାଜୟ ମଧ୍ୟରେ ବ୍ୟବଧାନ ମାତ୍ର 2ଟି ଭୋଟ୍ ।