ସମ୍ବଲପୁର: ସମ୍ବଲପୁର ମର୍ଡର ମିଷ୍ଟ୍ରି ରେ ନୂଆ ଟ୍ବିଷ୍ଟ । ଶେଷରେ 8 ବର୍ଷ ପୁରୁଣା ମର୍ଡର କେସର ରହସ୍ୟ ଉନ୍ମୋଚନ କରିଛି ପୋଲିସ । ଧାର ଟଙ୍କା ମାଗିବାରୁ ଜଣେ ସମ୍ପର୍କୀୟକୁ ହତ୍ୟା କରି ମାଟିରେ ପୋତି ଦେଇଥିବା ଅଭିଯୋଗ ହୋଇଥିଲା । ଶୁକ୍ରବାର ପୋଲିସ ସମ୍ବଲପୁର ବଡ ସିଂହାରି ଗାଁ ପାଖ ଜଙ୍ଗଲରୁ ଜେସି ବି ସାହାଯ୍ୟରେ ମାଟି ଖୋଳି କିଛି ହାଡ଼ କଙ୍କାଳର ଅଂଶବିଶେଷ ପାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା ସମ୍ବଲପୁର
ଖବର ଅନୁଯାୟୀ, ସମ୍ବଲପୁର ନନ୍ଦାପଡାର ଜୟଶ୍ରୀ ମିଶ୍ର 2011ରୁ ନିଖୋଜ ଥିଲେ । ତେବେ 8 ବର୍ଷ ପରେ ତାଙ୍କ ଝିଅ ଏହା ଏକ ହତ୍ୟାକାଣ୍ଡ ବୋଲି କହି ଡିଜିଙ୍କୁ ଲିଖିତ ଭାବେ ଜଣାଇବା ପରେ ଗତ କିଛି ଦିନ ତଳେ ଗିରଫ ହୋଇଥିଲା ଅଭିଯୁକ୍ତ । ତେବେ ଅଭିଯୁକ୍ତ ଶବକୁ ପୋତି ଦେଇଥିବାରୁ ସମ୍ବଲପୁର ପୋଲିସ ଶବର ସନ୍ଧାନରେ ଥିଲା । ଆଜି ସମ୍ବଲପୁର ପୋଲିସ ଜେସିବି ସାହାଯ୍ୟରେ ମାଟି ଖୋଳି କିଛି କଙ୍କାଳ ଅଂଶ ସଂଗ୍ରହ କରିଛି ।