ବେଆଇନ ପାଉଁଶ ଗଦା ମାମଲା, ଏନଜିଟିକୁ ରିପୋର୍ଟ ଦେଲା ସମ୍ବଲପୁର ଜିଲ୍ଲା ପ୍ରଶାସନ

ବାବୁ ଚକୁଳି ଗାଁ ମେନକା ପଡାର ଜଙ୍ଗଲ ଜମିରେ ରେଙ୍ଗାଲି ବ୍ଲକ ପାଣ୍ଡଲୋଇ ସ୍ଥିତ ଶ୍ୟାମ ମେଟାଳିକ କଂପାନୀ ନାଁରେ ବେଆଇନ ଭାବେ ପାଉଁଶ ଗଦେଇବା ଅଭିଯୋଗ ହୋଇଥିଲା । ପରେ ଏନେଇ ଏନଜିଟିକୁ ରିପୋର୍ଟ ଦେଲା ସମ୍ବଲପୁର ଜିଲ୍ଲା ପ୍ରଶାସନ ।

ସମ୍ବଲପୁର: ବେଆଇନ ପାଉଁଶ ଗଦା ଘଟଣାରେ ଏନଜିଟିକୁ ରିପୋର୍ଟ ଦେଲା ସମ୍ବଲପୁର ଜିଲ୍ଲା ପ୍ରଶାସନ । ଜିଲ୍ଲାର ରେଙ୍ଗାଲି ବ୍ଲକ ପାଣ୍ଡଲୋଇ ସ୍ଥିତ ଶ୍ୟାମ ମେଟାଳିକ କଂପାନୀ ବେଆଇନ ଭାବେ ପାଉଁଶ ଗଦା କରିବା ନେଇ ଏନଜିଟିରେ ଅଭିଯୋଗ ହୋଇଥିଲା ।

ଏହି ବେଆଇନ ପାଉଁଶ ଗଦା ଅଭିଯୋଗ ନେଇ ସମ୍ବଲପୁର ଜିଲ୍ଲା ପ୍ରଶାସନ ତରଫରୁ ଏନଜିଟିକୁ ଜଏଣ୍ଟ କମିଟି ରିପୋର୍ଟ ପ୍ରଦାନ କରାଯାଇଛି । ସୂଚନାଯୋଗ୍ୟ ଯେ, ବାବୁ ଚକୁଳି ଗାଁ ମେନକା ପଡାର ଜଙ୍ଗଲ ଜମିରେ ଏହି କମ୍ପାନୀ 7 ଟି ସ୍ଥାନରେ ବେଆଇନ ପାଉଁଶ ଗଦା କରିଥିବା ଏନଜିଟିରେ ଅଭିଯୋଗ ହୋଇଥିଲା ।

ଏହି କ୍ରମରେ ଏନଜିଟିର ନିର୍ଦ୍ଦେଶାନୁସାରେ ଗତ 2ତାରିଖରେ ଜିଲ୍ଲା ପ୍ରଶାସନର ଏକ ଜଏଣ୍ଟ କମିଟି ଘଟଣା ସ୍ଥଳ ପରିଦର୍ଶନ କରିଥିଲା । ଏହାପରେ ଏକ ରିର୍ପୋଟ ପ୍ରସ୍ତୁତ କରି ଏନଜିଟିକୁ ପ୍ରଦାନ କରିଛି ।

ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ