ସମ୍ବଲପୁର: କୋଭିଡ-19 ପାଇଁ ଏବେ ସାରା ଦେଶ ଲକଡାଉନ । ସମ୍ବଲପୁର ସହରରେ ମଧ୍ୟ ସହରବାସୀଙ୍କ ପୂର୍ଣ୍ଣ ସମର୍ଥନ ସହ ଚାଲିଛି ଲକଡାଉନ । ହେଲେ ଏବେ ମଧ୍ୟ କିଛି ଲୋକ ସଡ଼କରେ ବିଭିନ୍ନ ବାହାନା ନେଇ ବୁଲୁ ଥିବାର ଦେଖିବାକୁ ମିଳୁଛନ୍ତି। ତେବେ ଗ୍ରାମାଞ୍ଚଳର ରାଜରାସ୍ତା ହେଉ କି ସାଧାରଣ ସଡକ, ସବୁ ଖାଁ ଖାଁ।
ସମ୍ବଲପୁର ଲକଡାଉନ: ସହରବାସୀଙ୍କଠୁ ଅଧିକ ସଚେତନ ଗ୍ରାମବାସୀ
ସମ୍ବଲପୁର-କଟକ 55 ନଂ ରାଜପଥ ଏବେ ପୁରା ଖାଲି। ଚାରିଆଡେ କର୍ଫ୍ୟୁ ପରିସ୍ଥିତି। ଯେଉଁ ସଡ଼କରେ ସବୁବେଳେ ଜନ ଗହଳି ଓ ହଜାର ହଜାର ଗାଡି ଯାତାୟତ କରୁଥିଲା ସେହି ସଡ଼କ ଆଜି କୋରୋନା ପାଇଁ ପୁରା ଖାଲି ହୋଇଯାଇଛି। ଏହି ରାସ୍ତା ହେଉଛି ସମ୍ବଲପୁର-କଟକ ରାସ୍ତାର ମାନେଶ୍ବର ଛକ ଅଞ୍ଚଳର ଦୃଶ୍ୟ। ଏହି ଅଞ୍ଚଳରେ କୋରୋନାକୁ ନେଇ ଲୋକଙ୍କ ମନ ଭିତର ଭୟ କୁହନ୍ତୁ ବା ସଚେତନତା, ଅତ୍ୟାବଶ୍ୟକ କାର୍ଯ୍ୟ ନଥିଲେ ଲୋକେ ଘରୁ ବାହାରୁ ନାହାନ୍ତି।