ସମ୍ବଲପୁର: ଦୀର୍ଘ 8ବର୍ଷ ପରେ ସହରର ନନ୍ଦପଡା ବାସିନ୍ଦା ଜୟଶ୍ରୀ ମିଶ୍ରଙ୍କ ହତ୍ୟାକାଣ୍ଡର ପର୍ଦ୍ଦାଫାସ କରିଛି ପୋଲିସ । ଘଟଣାକୁ ନେଇ ସାରା ରାଜ୍ୟରେ ଚାଞ୍ଚଲ୍ୟ ସୃଷ୍ଟି ହୋଇଥିବାବେଳେ ଅକ୍ଳାନ୍ତ ସଂଘର୍ଷ ଦ୍ବାରା ଶେଷରେ ମା'କୁ ନ୍ୟାୟ ଦେଇଛନ୍ତି ଝିଅ ବିଜୟିନୀ । ଏବେ ଅଭିଯୁକ୍ତ ଗିରଫ ହୋଇଛି ସତ, କିନ୍ତୁ ଏବେବି ମାମଲାର ଜଟିଳତା ଶେଷ ହୋଇନି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ପୋଲିସର ତଦନ୍ତ ସମୟରେ ମାଟିତଳୁ ମିଳିଥିବା 8ବର୍ଷ ପୁରୁଣା ଖପୁରୀର ଅଂଶ ବିଶେଷର ସତ୍ୟତା ପ୍ରମାଣ ସଂଗ୍ରହ କରିବାରେ ଲାଗିପଡିଛି । ଯେଉଁଥିପାଇଁ ଖପୁରୀର ଅଂଶ ବିଶେଷର ପରୀକ୍ଷା ପାଇଁ ବୁର୍ଲା ଭୀମସାରର FMTକୁ ପଠାଯାଇଛି । ସେଠାରେ ପରୀକ୍ଷା ହେବା ପରେ ମିଳିଥିବା ଡାଟାକୁ ଡିଏନଏ ପ୍ରୋଫାଇଲିଂ ପାଇଁ ଭୁବନେଶ୍ବର FSLକୁ ପଠାଯିବ ବୋଲି କହିଛନ୍ତି ସମ୍ବଲପୁର ଅତିରିକ୍ତ ଏସପି ପ୍ରଦୀପ କୁମାର ମହାପାତ୍ର ।