ସମ୍ବଲପୁର: ଚାଷୀଙ୍କ ସମସ୍ୟାର ସମାଧାନ ପାଇଁ ପଶ୍ଚିମ ଓଡ଼ିଶାରେ ବିଜେପିର ଚକା ଜାମ ଆନ୍ଦୋଳନ। ଚାଷୀଙ୍କ ଧାନ ବିକ୍ରି ଜନିତ ସନସ୍ୟାର ସମାଧାନ ପାଇଁ ଆଜି(ଶନିବାର) ପଶ୍ଚିମ ଓଡିଶାର 12 ଜିଲ୍ଲାର 5ଟି ଲୋକସଭା ନିର୍ବାଚନ ମଣ୍ଡଳୀ ଓ 37 ଟି ବିଧାନସଭା ନିର୍ବାଚନ ମଣ୍ଡଳୀରେ ଥିବା ଜାତୀୟ ରାଜପଥ ଓ ରାଜ୍ୟ ରାଜପଥକୁ ବିଜେପି ତରଫରୁ 3 ଘଣ୍ଟା ପାଇଁ ଅବରୋଧ କରାଯାଇଛି।
ପଶ୍ଚିମଓଡିଶାରେ ଧାନ ବିକ୍ରି ସମସ୍ୟା, ବିଜେପିର 3 ଘଣ୍ଟିଆ ଚକା ଜାମ୍
ସକାଳ 10 ଟାରୁ ଅପରାହ୍ନ 1ଟା ପର୍ଯ୍ୟନ୍ତ ଚାଷୀଙ୍କ ସମସ୍ୟା ପାଇଁ ଆନ୍ଦୋଳନକୁ ଓହ୍ଲାଇଛି ବିଜେପି । ସମ୍ବଲପୁର ଜିଲ୍ଲାର ଆଇଁଠାପାଲି ଛକ, ରମେଡ ଛକ, ସିନ୍ଦୁରପଙ୍କ ଛକ,କୁଚିଣ୍ଡା, ଜମେନକିରା ଛକ, ବାମରା ଆଦି ଛକରେ ବିଜେପି ରାଜରାସ୍ତା ଅବରୋଧ କରିଛି। ଏହାର ପ୍ରଭାବରେ ରାସ୍ତାରେ ହଜାର ହଜାର ଗାଡି ଅଟକି ରହିଛି ।