ସମ୍ବଲପୁର: ଜିଲ୍ଲାର ବମରା ବ୍ଲକ ଗଡପୋଷ ଷ୍ଟେସନ ଠାରେ ବିଭିନ୍ନ ରେଳ ରହଣୀ ଦାବି ନେଇ ଆଜି(ବୁଧବାର) ରେଳ ସଙ୍ଘର୍ଷ ସମିତିର ରେଳରୋକ। କୋଭିଡ ଜନିତ ଲକଡାଉନ ପୂର୍ବରୁ ଏହି ଷ୍ଟେସନରେ ଯେଉଁସବୁ ଟ୍ରେନ ଅଟକୁଥିଲା ତାହା ବର୍ତ୍ତମାନ ବନ୍ଦ ହୋଇଯାଇଛି। ତେଣୁ, ଏହି ଟ୍ରେନ ଗୁଡ଼ିକର ପୁନଃ ରହଣି ଦାବି ନେଇ ଆଜି ଏହି ରେଳରୋକ ଆନ୍ଦୋଳନ ହୋଇଛି।
ଗଡ଼ପୋଷ ଷ୍ଟେସନରେ ରେଳ ସଂଘର୍ଷ କମିଟିର ରେଳରୋକ
ସମ୍ବଲପୁର ଜିଲ୍ଲାର ୫ ଏବଂ ସୁନ୍ଦରଗଡ଼ ଜିଲ୍ଲାର ୪ ପଞ୍ଚାୟତବାସୀଙ୍କ ଗମନାଗମନ ପାଇଁ ଗଡପୋଷ ରେଳ ଷ୍ଟେସନ ଉପରେ ନିର୍ଭର କରିଥାନ୍ତି । କୋଭିଡ଼ ପୂର୍ବରୁ ଗଡପୋଷ ଠାରେ ବିଭିନ୍ନ ଟ୍ରେନର ଷ୍ଟପେଜ ଥିବାବେଳେ, ପରେ ଏହି ଟ୍ରେନ୍ ଗୁଡିକର ଷ୍ଟପେଜ ବାତିଲ କରିଦିଆଯାଇଛି। ଯାହାଫଳରେ ହଜାର ହଜାର ଲୋକ ଯାତାୟତ ପାଇଁ ଅସୁବିଧାର ସମ୍ମୁଖୀନ ହେଉଥିବା ଅଭିଯୋଗ କରିଛି ରେଳ ସଂଘର୍ଷ ସମିତି।