ସମ୍ବଲପୁର ଭିସୁଟରେ ପୁଣି ରାଗିଂ ଅଭିଯୋଗ

ସମ୍ବଲପୁର ଭିସୁଟରେ ପୁଣି ରାଗିଂ ଅଭିଯୋଗ । ଚତୁର୍ଥ ବର୍ଷର ଛାତ୍ର ଦ୍ବିତୀୟ ବର୍ଷର ଛାତ୍ରଙ୍କୁ ମାଡ଼ ମାରିଥିବା ଅଭିଯୋଗ । ଅଧିକ ପଢନ୍ତୁ

ସମ୍ବଲପୁର:ବୁର୍ଲା ଭିସୁଟ୍‌ରେ ଛାତ୍ରଙ୍କୁ ରାଗିଂ ଅଭିଯୋଗ । ସମ୍ବଲପୁର ବୀର ସୁରେନ୍ଦ୍ର ସାଏ ବୈଷୟିକ ବିଶ୍ୱ ବିଦ୍ୟାଳୟରେ ରାଗିଂ ହୋଇଥିବା ଅଭିଯୋଗ ହୋଇଛି(Ragging allegation in Sambalpur Burla VSSUT ) । ଏନେଇ ବିଶ୍ୱ ବିଦ୍ୟାଳୟର ଆଣ୍ଟି ରାଗିଂ ସେଲରେ ଅଭିଯୋଗ ହୋଇଥିବା ଭିସୁଟର କୁଳପତି ସୂଚନା ଦେଇଛନ୍ତି । ବିଶ୍ବବିଦ୍ୟାଳୟର ଚତୁର୍ଥ ବର୍ଷର ଛାତ୍ର ମାନେ ଦ୍ବିତୀୟ ବର୍ଷର ଛାତ୍ରଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି । ଏନେଇ ଥାନାରେ ମାମଲା ରୁଜୁ ହୋଇଥିବା ମଧ୍ୟ ସୂଚନା ରହିଛି ।

ଏହି ଘଟଣା ନେଇ ଭିସୁଟର କୁଳପତି କହିଛନ୍ତି ଯେ,'' ଏପରି ଅଭିଯୋଗ ଆସିବା ପରେ ଏକ କମିଟି ତଦନ୍ତ କରୁଛି । ଏହା ରାଗିଂ ନା ଅନ୍ୟ କିଛି ତାହା କମିଟି ତଦନ୍ତ କରୁଛି । ରାଗିଂ ହୋଇଥିବା ପ୍ରମାଣିତ ହେଲେ କାର୍ଯ୍ୟାନୁଷ୍ଠାନ ନିଆଯିବ’’ ।

ଇଟିଭି ଭାରତ, ସମ୍ବଲପୁର