ସମ୍ବଲପୁର: ଜିଲ୍ଲାର କେତେକ ଅଞ୍ଚଳରେ ଚାଷୀଙ୍କ ସମସ୍ୟା ପିଛା ଛାଡ଼ୁନି । କେତେବେଳେ ଲ୍ୟାପ୍ସ ଟୋକନ, କେତେବେଳେ ଟୋକନ ଅବଧି ସରିଯିବା ତ କେତେବେଳେ ହାତୀ ଉପଦ୍ରଵ । ଏଭଳି ସମସ୍ୟା ଭିତରେ ବର୍ତ୍ତମାନ ଚାଷୀ ପାଇଁ ସମସ୍ୟା ହୋଇଛି ଅଦିନିଆଁ ବର୍ଷା ଓ କୃଷି ଶ୍ରମିକଙ୍କ ଅଭାବ ଜନିତ ସମସ୍ୟା । ଏହିଭଳି ସ୍ଥିତି ଯୋଗୁଁ ବର୍ତ୍ତମାନ ସମ୍ବଲପୁର ଜିଲ୍ଲାର ଯୁଜୁମୁରା ବ୍ଲକ କୁକୁଡ଼ାପାଲି ପଞ୍ଚାୟତର କେତେକ ଚାଷୀ ଲକ୍ଷଲକ୍ଷ ଟଙ୍କାର କ୍ଷତି ସହୁଛନ୍ତି ।
ରାସ୍ତା ଉପରେ ଗଜା ହୋଇଗଲା କ୍ୱିଣ୍ଟାଲ କ୍ୱିଣ୍ଟାଲ ଧାନ, ଚିନ୍ତାରେ ଚାଷୀ
ଗତ ରବିଋତୁର ଅମଳକ୍ଷମ ଧାନ ଅଦିନିଆଁ ବର୍ଷାରେ ଭିଜି ଯାଇଥିବା ବେଳେ କୌଣସି ପ୍ରକାରରେ ଏହାକୁ ରାସ୍ତା ଉପରେ ଶୁଖାଇଥିବା ବେଳେ ପୁଣି ବର୍ଷା ହେବାରୁ ରାସ୍ତା ଉପରେ ଥିବ ସବୁ ଧନା ସମ୍ପୂର୍ଣ୍ଣ ଗଜା ହୋଇ ନଷ୍ଟ ହୋଇଯାଇଛି।