ସମ୍ବଲପୁର: ମହିଳା ସାମ୍ବାଦିକଙ୍କ ଉପରେ ହୋଇଥିବା ଆକ୍ରମଣ ଘଟଣାର ପ୍ରତିବାଦ କରିଛି ସମ୍ବଲପୁର ପ୍ରେସ କ୍ଲବ । ସମ୍ବଲପୁର ପ୍ରେସ କ୍ଲବ ଓ ବିଭିନ୍ନ ସାମ୍ବାଦିକ ସଂଘର ସଦସ୍ୟ ମାନେ ଉତ୍ତରାଞ୍ଚଳ ଡିଆଇଜିଙ୍କ କାର୍ଯ୍ୟଳୟ ସମ୍ମୁଖରେ ଏହି ଘଟଣାର ନିନ୍ଦା କରିଥିଲେ । ଅନ୍ୟପକ୍ଷେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବି ପତ୍ର ସମ୍ବଲପୁର ଡିଆଇଜି ହିମାଂଶୁ ଲାଲଙ୍କୁ ପ୍ରଦାନ କରିଛନ୍ତି ।
ସମ୍ବଲପୁର ସାମ୍ବାଦିକ ସମୂହ ତରଫରୁ ପ୍ରତିବାଦ ପ୍ରକାଶଥାଉକି, ଭୁବନେଶ୍ୱରର ଏସପ୍ଲାନେଡ୍ ସପିଂ ମଲରେ ହେଉଥିବା ବେଆଇନ ପାର୍କିଂ ଫି ଆଦାୟ ନେଇ ଜଣେ ମହିଳା ସାମ୍ବାଦିକ ଖବର ସଂଗ୍ରହ କରୁଥିବା ସମୟରେ ତାଙ୍କ ଉପରେ ଆକ୍ରମଣ କରାଯାଇଥିଲା । ତେବେ ଏଥିରେ ସମ୍ପୃକ୍ତ ସମସ୍ତ ଅଭିଯୁକ୍ତଙ୍କୁ ଗିରଫ କରାଯାଇ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ ହେଉ ବୋଲି ସମ୍ବଲପୁର ପ୍ରେସ କ୍ଲବ ଓ ସାମ୍ବାଦିକ ସମୂହ ତରଫରୁ ଦାବି ହୋଇଛି ।
ଏହାସହ ବାରମ୍ବାର ସାମ୍ବାଦିକଙ୍କ ଉପରେ ଆକ୍ରମଣ ଘଟଣା ବୃଦ୍ଧା ପାଉଥିବାରୁ ସାମ୍ବାଦିକଙ୍କ ସୁରକ୍ଷା ଉପରେ ଅଧିକ ଗୁରୁତ୍ୱ ଦିଆଯାଉ ବୋଲି ରାଜ୍ୟ ସରକାରଙ୍କ ଆଗରେ ଦାବି ହୋଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
