ସମ୍ବଲପୁର: ଶୀତଳଷଷ୍ଠୀ ଯାତ୍ରା ପାଇଁ ଜିଲ୍ଲା ପ୍ରଶାସନର ସଜବାଜ ଆରମ୍ଭ । ଏଥିପାଇଁ ଆଜି ସମ୍ବଲପୁର DRDA କାର୍ଯ୍ୟାଳୟସ୍ଥିତ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି ।
ସମ୍ବଲପୁର ଜିଲ୍ଲାପାଳ ଦିବ୍ୟଜ୍ୟୋତି ପରିଡାଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ସମ୍ବଲପୁର ଏସପି, ଉପଜିଲ୍ଲାପାଳ, ଏସଏମସି କମିଶନର, ସିଡିଏମଓଙ୍କ ସହ ଜିଲ୍ଲା ପ୍ରଶାସନର ବିଭିନ୍ନ ବିଭାଗର ଅଧିକାରୀ ଉପସ୍ଥିତ ରହିଥିଲେ ।
ଏହି ଅବସରରେ ଶୀତଳଷଷ୍ଠୀ ଯାତ୍ରା କିପରି ସୁରୁଖୁରୁରେ ହୋଇପାରିବ, ସେନେଇ ଆଲୋଚନା ହେବା ସହ ସୁରକ୍ଷା ବ୍ୟବସ୍ଥା, ପାନୀୟ ଜଳ ଯୋଗାଣ, ବିଦ୍ୟୁତ ସରବରାହ, ରାସ୍ତା ଘାଟ, ପରିମଳ, ଟ୍ରାଫିକ, ସ୍ୱାସ୍ଥ୍ୟ ସେବା, ଅଗ୍ନିଶମ ବିଭାଗର ବ୍ୟବସ୍ଥା ନେଇ ଆଲୋଚନା ହୋଇଥିଲା ।
ଏହିସବୁ ବିଭାଗର ଅଧିକାରୀଙ୍କୁ ଜିଲ୍ଲାପାଳ ଶୀତଳଷଷ୍ଠୀ ଯାତ୍ରା ସୁପରିଚାଳନା ନେଇ ଯାତ୍ରା କମିଟି ଗୁଡ଼ିକର ପ୍ରସ୍ତାବ ଅନୁସାରେ ପରାମର୍ଶ ଦେଇଥିଲେ । ଅନ୍ୟପଟେ ଶୀତଳଷଷ୍ଠୀ ଯାତ୍ରା ସମୟରେ ବେଆଇନ ମାଦକ ଦ୍ରବ୍ୟ କାରବାର ଉପରେ କିପରି ନିୟନ୍ତ୍ରଣ କରାଯାଇଥିବା ସେନେଇ ଯାତ୍ରା କମିଟିର ସଦସ୍ୟ ମାନେ ପ୍ରସ୍ତାବ ଦେଇଥିଲେ ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
