Sambalpur Advocate Protest: ସୁପ୍ରିମକୋର୍ଟରେ ହାଜର ହେଲେ ପୋଲିସ ଡିଜି, ବର୍ଷିଲେ ସର୍ବୋଚ୍ଚକୋର୍ଟ

ଡିସେମ୍ବର ୧୨ ତାରିଖରେ ଓକିଲଙ୍କ ଆଚରଣ ନେଇ ଓଡ଼ିଶା ପୋଲିସର ପାରିବାପଣିଆ ନେଇ ପ୍ରଶ୍ନ କରିଛନ୍ତି ସୁପ୍ରିମକୋର୍ଟ । ଆଗାମୀ ଦିନରେ ଏଭଳି ଘଟଣାର ପୁନରାବୃତ୍ତି ହେବନାହିଁ ବୋଲି କୋର୍ଟଙ୍କ ସମ୍ମୁଖରେ ଉତ୍ତର ରଖିଛନ୍ତି ପୋଲିସ ଡିଜି ସୁନୀଲ ବଂଶଲ । ଅଧିକ ପଢ଼ନ୍ତୁ

ନୂଆଦିଲ୍ଲୀ: ସମ୍ବଲପୁରରେ ଗତ ଡିସେମ୍ବର ୧୨ ତାରିଖରେ ଓକିଲଙ୍କ ଆଚରଣ ନେଇ ଓଡ଼ିଶା ପୋଲିସର ପାରିବାପଣିଆ ନେଇ ପ୍ରଶ୍ନ କରିଛନ୍ତି ସୁପ୍ରିମକୋର୍ଟ । ସମ୍ବଲପୁରରେ ଜିଲ୍ଲା ଜଜ୍‌ କୋର୍ଟଙ୍କ ଚ୍ୟାମ୍ବର ଭିତରେ ପଶି ଭଙ୍ଗାରୁଜା କରିଥିଲେ ଆନ୍ଦୋଳନରତ ଓକିଲ । ଏହାକୁ ନେଇ ମାମଲା ରୁଜୁ ହୋଇଥିବା ବେଳେ ଆଜି(ବୁଧବାର) ଭିଡିଓ କନ୍‌ଫରେସିଂ ଜରିଆରେ ହାଜର ହୋଇଥିଲେ ପୋଲିସ ଡିଜି ଓ ଉତ୍ତରାଞ୍ଚଳ ଆଇଜି । ତେବେ ଆଗାମୀ ଦିନରେ ଏଭଳି ଘଟଣାର ପୁନରାବୃତ୍ତି ହେବନାହିଁ ବୋଲି କୋର୍ଟଙ୍କ ସମ୍ମୁଖରେ ଉତ୍ତର ରଖିଛନ୍ତି ପୋଲିସ ଡିଜି ସୁନୀଲ ବଂଶଲ ।

• ସୁପ୍ରିମକୋର୍ଟରେ ହାଜର ହେଲେ ପୋଲିସ ଡିଜି
• ଭିସି ଜରିଆରେ ହାଜର ହେଲେ ଡିଜିପି ଓ ଉତ୍ତରାଞ୍ଚଳ ଆଇଜି
• ଉଭୟଙ୍କୁ ଆଜି ହାଜର ପାଇଁ ନିର୍ଦ୍ଦେଶ କରିଥିଲେ ସୁପ୍ରିମକୋର୍ଟ
• ତୁମେ ଯଦି ପାରୁନ, ତେବେ ଆମେ ପାରାମିଲିଟାରୀ ଫୋର୍ସ ନେବୁ
• ଏହା ପୋଲିସର ଚରମ ବିଫଳତା ବୋଲି କହିଲେ ସୁପ୍ରିମକୋର୍ଟ
• ଆଇନ ଶୃଙ୍ଖଳା ରକ୍ଷା କରିବା ପୋଲିସ ଦାୟିତ୍ୱ କହିଲେ ସୁପ୍ରିମକୋର୍ଟ
• ଭଙ୍ଗାରୁଜା ଘଟଣାରେ କାର୍ଯ୍ୟେନୁଷ୍ଠାନ ନେଇ କୋର୍ଟଙ୍କୁ ଅବଗତ କଲେ ଆଇଜି

ସମ୍ବଲପୁରରେ ଓକିଲମାନେ ଯେଉଁ ଘଟଣା ଘଟାଇଛନ୍ତି ତାହାକୁ ପୋଲିସର ଅପରଗତା ବୋଲି ଦର୍ଶାଇଛନ୍ତି କୋର୍ଟ । ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ଆଜି ଭିସି ଜରିଆରେ ହାଜର ହୋଇଥିଲେ ଡିଜିପି ସୁନୀଲ ବଂଶଲ । ସୁପ୍ରିମକୋର୍ଟ ପୋଲିସକୁ ଭତ୍ସର୍ନା କରିଛନ୍ତି । ଏହି ମାମଲା ଉପରେ ଉଭୟ ଆଇଜି ଓ ଡିଜି ନଜର ରଖିବେ ।

ଭବିଷ୍ୟତରେ ଏଭଳି ଘଟଣା ପୁନରାବୃତ୍ତି ହେବନାହିଁ ବୋଲି କୋର୍ଟଙ୍କ ସମ୍ମୁଖରେ ଉତ୍ତର ରଖିଛନ୍ତି ପୋଲିସ ଡିଜି ସୁନୀଲ ବଂଶଲ । ଆଇନ ଶୃଙ୍ଖଳା ସ୍ଥିତି ନିୟନ୍ତ୍ରଣ ପାଇଁ କୋର୍ଟଙ୍କ ଅନୁମତିର ଆବଶ୍ୟକତା ନାହିଁ ବୋଲି କହିଛନ୍ତି ସର୍ବୋଚ୍ଚ କୋର୍ଟ । ଓକିଲମାନେ ଅଭିଯୁକ୍ତ, ସେମାନଙ୍କୁ ଆଇନ ଅନୁଯାୟୀ ପୋଲିସ ନୋଟିସ ପଠାଇବ । କୋର୍ଟଙ୍କ ନିର୍ଦ୍ଦେଶ ଅବମାନନା କରିଥିବା ନେଇ ଓକିଲଙ୍କ ବିରୁଦ୍ଧରେ ମାମଲା ରୁଜୁ ହେବ ।

ହାଇକୋର୍ଟ ବେଞ୍ଚ ସ୍ଥାପନା ଦାବିରେ ଓକିଲ ସଂଘ ଧାରଣାରେ ବସିଥିଲେ । ତେବେ ଧାରଣାରୁ ନିବୃତ୍ତ ହେବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଥିଲେ । ଏହି ନିର୍ଦ୍ଦେଶର ଅବମାନନା କରି ଓକିଲ ସଂଘର ଧାରଣା ଜାରି ରହିଥିଲା । ତେବେ ଗତ ଡିସେମ୍ବର ୧୨ ତାରିଖରେ ଏହା ସବୁ ସୀମା ଟପି ଯାଇଥିଲା । ଜିଲ୍ଲା ଜଜ୍‌ଙ୍କ କୋର୍ଟଙ୍କ ପରେ ପଶି ଆନ୍ଦୋଳନରତ ଓକିଲମାନେ ଭଙ୍ଗାରୁଜା ଆରମ୍ଭ କରିଥିଲ । ବର୍ତ୍ତମାନ କୌଣସି ସ୍ଥାନରେ ହାଇକୋର୍ଟ ବେଞ୍ଚ ପ୍ରତିଷ୍ଠା ହୋଇପାରିବ ନାହିଁ ବୋଲି କହିଛନ୍ତି ସୁପ୍ରିମକୋର୍ଟ । ଓକିଲଙ୍କ କାଣ୍ଡଙ୍କୁ ନେଇ ଆଜି ଆଜି ଭିସି ଜରିଆରେ ହାଜର ହୋଇଥିଲେ ଓଡ଼ିଶା ପୋଲିସ ଡିଜି ।