ସମ୍ବଲପୁର: କୋଭିଡ 19କୁ ନେଇ ସରକାର ଘୋଷଣା କରିଥିବା ଲକଡାଉନର ଆଜି ହେଉଛି ଚତୁର୍ଥ ଦିନ । ଏନେଇ ସାରା ରାଜ୍ୟରେ ଲକଡାଉନ ପରିସ୍ଥିତି ଜାରି ରହିଛି । ସମ୍ବଲପୁରରେ ମଧ୍ୟ ଲକ ଡାଉନ ଜାରି ରହିଛି ।
ବାରମ୍ବାର ସଚେତନତା ସତ୍ତ୍ୱେ ଲକଡାଉନ ଉଲଂଘନ କରୁଛନ୍ତି ଲୋକ
ସବୁ ପ୍ରମୁଖ ଛକ ଗୁଡ଼ିକରେ ଜିଲ୍ଲା ପ୍ରଶାସନ ତରଫରୁ ଡ଼ାକବାଜି ଯନ୍ତ୍ର ଓ ଲିପଲେଟ ଜରିଆରେ ସଚେତନ କରାଯାଉଛି । ତେବେ କିଛି ଲୋକ ଏବେବି ସଚେତନ ହେଉନାହାନ୍ତି ଓ ଏହାକୁ ଖାମ ଖିଆଲି ଭାବେ ନେଉଛନ୍ତି । ସମ୍ବଲପୁର ସହରରେ ଏବେ ପ୍ରତ୍ୟେକ ସ୍ଥାନରେ ଦୋକାନ, ବଜାର ସବୁ ବନ୍ଦ । କେବଳ ଅତ୍ୟାବଶ୍ୟକ ସାମଗ୍ରୀ ଯଥା ମେଡ଼ିକାଲ, ମେଡ଼ିସିନ ଦୋକାନ, ତେଜରାତି ଦୋକାନ ଓ ପନିପରିବା ଦୋକାନ ଖୋଲା ରହିଛି । ରାସ୍ତା ଘାଟ ଅପେକ୍ଷାକୃତ ଆଜି ଖାଲି ଖାଲି ଲାଗୁଛି ।
ସହରର ପ୍ରମୂଖ ଛକ ଗୁଡ଼ିକରେ ପୋଲିସ ଜଗି ରହି ଜୋରସୋରରେ ଚେକିଂ କରୁଛି ଓ ଲୋକଙ୍କୁ ତାଗିଦ କରୁଥିବାର ଦେଖିବାକୁ ମିଳୁଛି । ତେବେ କେତେକ ଛକର ଦୃଶ୍ୟକୁ ଦେଖିଲେ ଏମିତି ଲାଗୁଛି ଯେ ଆଜି ବି କିଛି ଲୋକ ସଚେତନ ହୋଇନାହାନ୍ତି ଓ ଏହାକୁ ଖାମ ଖିଆଳି ଭାବେ ନେଉଛନ୍ତି ।