ସମ୍ବଲପୁର: ଜର୍ମାନୀରୁ ଫେରି ଓଡିଶାରେ ରହିବେ ସମ୍ବଲପୁର ରେଢାଖୋଲ ଅଞ୍ଚଳର ଯୁବ ବୈଜ୍ଞାନିକ ଶେଷ କିସାନ (Young scientist Sesha Kishan) । ଆଗକୁ ଓଡିଶାରେ ଏକ ଫାର୍ମା କମାନୀ ଲଞ୍ଚ କରିବେ ଶେଷ କିସାନ । "Dr ଶେଷ କିସାନ ଫାର୍ମା ପ୍ରାଇଭେଟ ଲିମିଟେଡ"ନାଁରେ ଖୋଲିବେ କମ୍ପାନୀ । ଗତକାଲି ନିଜର ବିବାହର ରିସେପସନ ପାର୍ଟିରେ ସେଏହି ସୂଚନା ଦେଇଛନ୍ତି l
ଓଡିଶାରେ ଫର୍ମା କମ୍ପାନୀ ଖୋଲିବେ ଯୁବ ବୈଜ୍ଞାନିକ ଶେଷ କିସାନ
ନିଜ କମ୍ପାନୀକୁ ଭାରତରେ ନମ୍ବର 1 କରିବାକୁ ଚେଷ୍ଟା କରିବେ ବୋଲି ଶେଷ କିସାନ କହିଛନ୍ତି । ଆଗାମୀ 4 ମାସ ଭିତରେ ପ୍ରଡକ୍ଟ ଆରମ୍ଭ ହୋଇଯିବ ବୋଲି ସେ କହିଛନ୍ତି l ଦେଶ ବାହାରୁ ବହୁତ ଅଫର ଆସିଥିବା ସତ୍ତ୍ବେ ସେ ଓଡିଶାରେ ରହି ଲୋକଙ୍କ ପାଇଁ କିଛି କରିବାକୁ ଚାହୁଁଛନ୍ତି ବୋଲି କହିଛନ୍ତି । ନିଜ ଜନ୍ମ ମାଟି ପାଇଁ କିଛି କରିବାର ଇଚ୍ଛା ଅଛି ଓ ଏଥିପାଇଁ ରାଜ୍ୟ ସରକାରଙ୍କ ଠାରୁ ସହଯୋଗ ମିଳିଛି ବୋଲି ସେ କହିଛନ୍ତି । ଏହାସହ ରାଜନୀତିରୁ ଦୁରେଇ ରହିବେ ଓ ଆଗକୁ ରାଜନୀତି କରିବେ ନାହିଁ । ଆଗକୁ ଟିକଟ ମିଳିଲେ ମଧ୍ୟ ରାଜନୀତିରେ ପଶିବେ ନାହିଁ ବୋଲି କହିଛନ୍ତି ।