ସମ୍ବଲପୁର: ରୋଷେୟା ନଥିବାରୁ ହୋଇପାରିଲାନି ରୋଷେଇ । ଆଉ ଗୋଟିଏ ଦିନ ଉପାସରେ ରହିଲେ ସମ୍ବଲପୁର ହାତୀବାରି କୁଷ୍ଠାଶ୍ରମର ଅନ୍ତେବାସୀ। ରୋଷେୟା ନସିବାରୁ ୧୫୭ ଜଣ ଅନ୍ତେବାସୀ ରୋଷେଇ ଘର ସମ୍ମୁଖରେ ଦିନଯାକ ଉପାସ ରହିଥିବା ଅଭିଯୋଗ ହୋଇଛି । ସମ୍ବଲପୁର ଜିଲ୍ଲା ଯୁଜୁମୁରା ବ୍ଲକ ହାତିବାରୀ କୃଷ୍ଠାଶ୍ରମରୁ ଏଭଳି ଅବ୍ୟବସ୍ଥା ଚିତ୍ର ସାମ୍ନାକୁ ଆସିଛି।
ଉପାସ ରହିଲେ କୁଷ୍ଠାଶ୍ରମ ଅନ୍ତେବାସୀ
ଏହି କୃଷ୍ଠାଶ୍ରମରେ ବୁଧବାର ରାତ୍ରି ଭୋଜନ , ଗୁରୁବାର ସକାଳ ଜଳଖିଆ ଓ ମଧ୍ୟହ୍ନ ଭୋଜନ ଦିଆଯାଇନାହିଁ ବୋଲି ଅନ୍ତେବାସୀ କହିଛନ୍ତି। ଏଠାକୁ କର୍ମଚାରୀମାନେ ଠିକ୍ ସମୟରେ ଆସୁନାହାନ୍ତି ଓ କାମ ମଧ୍ୟ ଠିକ୍ ସେ କରୁନାହାନ୍ତି ବୋଲି ଅଭିଯୋଗ କରିଛନ୍ତି ଅନ୍ତେବାସୀ ।
ଏହାସହ ଏଠାରେ ବାରମ୍ବାର ବିଦ୍ୟୁତ ବିଭ୍ରାଟ ମଧ୍ୟ ଲାଗି ରହୁଛି ବୋଲି ଅଭିଯୋଗ ମଧ୍ୟ ହୋଇଛି। ପୂର୍ବରୁ ଏଠାରେ ୨ ଜଣ ରୋଷେୟା ଥିବାବେଳେ ତାଙ୍କୁ୍ ୫ ଜଣ ଅନ୍ତେବାସୀ ରୋଷେଇ କାର୍ଯ୍ୟରେ ସାହାଯ୍ୟ କରିଆସୁଥିଲେ।