ସମ୍ବଲପୁର: ଏସପି ଅଫିସ ସମ୍ମୁଖରେ ଯୁବକଙ୍କ ଉନ୍ମକ୍ତ କାଣ୍ଡ । ବୁଧବାର ଅପରାହ୍ନରେ ଜଣେ ଯୁବକ ନିଜ ଦେହରେ କିରୋସିନି ଢାଳି ଆତ୍ମହତ୍ୟା ଉଦ୍ୟମ କରୁଥିବାବେଳେ ଯୁବକଙ୍କୁ କାବୁ କରିଛି ପୋଲିସ ।
ଯୁବକଙ୍କ ଆତ୍ମହତ୍ୟା ଉଦ୍ୟମ
ପାରିବାରିକ କଳହରୁ କ୍ଷେତରାଜପୁର ଥାନାରେ ଯୁବକ ଓ ତାଙ୍କ ସ୍ତ୍ରୀ ମାମଲା ରୁଜୁ କରିଥିବାବେଳେ ନ୍ୟାୟ ନ ମିଳିବାରୁ ନିଜ ଦେହରେ କିରୋସିନି ଢାଳି ଆତ୍ମହତ୍ୟା ଉଦ୍ୟମ କରୁଥିଲେ । ସେହି ସମୟରେ ପୋଲିସ ଅଧିକାରୀ ପହଞ୍ଚି ତାଙ୍କୁ ଅଟକାଇଲେ । ତେବେ ଯୁବକ ଜଣକ ଅଇଁଠାପାଲି ଥାନା ଅଞ୍ଚଳର ଦୀପଲାଲ ବାଗ ବୋଲି ଜଣାପଡିଛି ।
ତାଙ୍କ ଘର ଅଇଁଠାପାଲି ଥାନା ଅଞ୍ଚଳରେ ହୋଇଥିବାବେଳେ ତାଙ୍କ ସ୍ତ୍ରୀଙ୍କ ଘର ଖେତରାଜପୁର ଥାନା ଅଞ୍ଚଳରେ । ପାରିବାରିକ କଳହକୁ ନେଇ ଖେତରାଜପୁର ଥାନାରେ ଉଭୟ ପକ୍ଷରୁ ମାମଲା ହୋଇଛି । ଫଳରେ ଯୁବକ ଜଣକ ନ୍ୟାୟ ପାଇଁ ବୁଧବାର ଏଭଳି କାଣ୍ଡ ଭିଆଇଛନ୍ତି ବୋଲି ଜଣାପଡିଛି ।