ସମ୍ବଲପୁର: ଧନୁପାଲି ଥାନା ଅନ୍ତର୍ଗତ କାଳିବାଡି ୱେସ୍କୋ ଅଫିସ ସମ୍ମୁଖରେ ଦିନ ଦ୍ବିପ୍ରହରରେ ଯୁବକକୁ ଛୁରା ମାଡ଼ । ରବିବାର ଦିନ ପ୍ରାୟ ସାଢ଼େ 10ଟା ସମୟରେ ମହମ୍ମଦ କାଦିମ ନାମକ ଜଣେ ଯୁବକଙ୍କୁ କିଛି ଯୁବକ ସଙ୍ଘବଦ୍ଧ ଭାବେ ଆକ୍ରମଣ କରିବା ସହ ଛୁରାମାଡ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ସମ୍ବଲପୁର ଟାଉନ ଥାନା ଅନ୍ତର୍ଗତ କୁମ୍ଭାର ପଡାର ମୋହସିନ ଅକ୍ତର ଘଟଣାର ମୁଖ୍ୟ ଅଭିଯୁକ୍ତ ବୋଲି ପୋଲିସ ପକ୍ଷରୁ ସୂଚନା ମିଳିଛି । ତେବେ ଆକ୍ରମଣରୁ ଯୁବକ ଜଣକ ନିଜକୁ କୌଣସି ପ୍ରକାର ବଞ୍ଚାଇ ଥିଲେ ମଧ୍ୟ ତାଙ୍କର ବେକ ଓ ହାତରେ ଆଘାତ ଲାଗିଛି । ଯୁବକ ଜଣଙ୍କୁ ସମ୍ବଲପୁର ସରକାରୀ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମୁଖ୍ୟ ଅଭିଯୁକ୍ତ ନାଁରେ ପୂର୍ବରୁ ଧନୁପାଲି ଥାନାରେ ଚୋରି, ଡକାୟତି ପରି ବହୁ ମାମଲା ଥିବା ପୋଲିସ କହିଛି ।