ସମ୍ବଲପୁର: ଆଜିଠୁ ଖୋଲିଲା ସମ୍ବଲପୁରର ଅଧିଷ୍ଠାତ୍ରୀ ଦେବୀ ମା' ସମଲେଶ୍ୱରୀଙ୍କ ମନ୍ଦିର । ରାଜ୍ଯ ସରକାରଙ୍କ କୋଭିଡ୍ ଗାଇଡଲାଇନ ଅନୁସାରେ SOP ପାଳନ କରି ଆଜି(ମଙ୍ଗଳବାର) ଠାରୁ ପ୍ରତ୍ୟହ ସମଲେଶ୍ବରୀଙ୍କ ଦର୍ଶନ କରିପାରିବେ ଭକ୍ତ ।
ସକାଳ 6 ରୁ ମା'ଙ୍କ ମନ୍ଦିର ଖୋଲାଯାଇଛି । କୋଭିଡ ଗାଇଡଲାଇନ ଅନୁସାରେ ସ୍ୱତନ୍ତ୍ର ଧାଡି ବ୍ୟବସ୍ଥାରେ ମା'ଙ୍କ ଦର୍ଶନ କରୁଛନ୍ତି ଶ୍ରଦ୍ଧାଳୁ । ତେବେ ସକାଳ 6ଟୁ 11 ଏବଂ ଅପରାହ୍ନରେ 3 ଟା 30 ରୁ 7 ଟା 30 ପର୍ଯ୍ୟନ୍ତ ଦର୍ଶନ କରିପାରିବେ ଶ୍ରଦ୍ଧାଳୁ । ଗୋଟିଏ ପ୍ରବେଶ ଦ୍ଵାର ଓ ଗୋଟିଏ ପ୍ରସ୍ଥାନ ଦ୍ୱାରାର ବ୍ୟବସ୍ଥା ରହିଛି । ଏହା ସହିତ ରହିଛି ବ୍ୟାରିକେଟ ବ୍ୟବସ୍ଥା । ଏକା ଥରକେ ଜଣେ ଭକ୍ତ ମା'ଙ୍କ ଦର୍ଶନ କରିପାରିବେ । ତେବେ ମନ୍ଦିରକୁ ଭୋଗ କି ପ୍ରସାଦ ନେବାକୁ ବାରଣ କରାଯାଇଛି । ସାମାଜିକ ଦୂରତ୍ୱ ଓ ମାସ୍କ ପିନ୍ଧିବା ବାଧ୍ୟତାମୂଳକ ରଖାଯାଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
