ସମ୍ବଲପୁର: ବୁର୍ଲା ଭୀମସାର ମେଡ଼ିକାଲର ବିଭିନ୍ନ ବିଭାଗରେ ଚୋରି । ମେଡିକାଲ କଲେଜର ୪ଟି ବିଭାଗର ତାଲା ଭାଙ୍ଗି ଗତ ବିଳମ୍ବିତ ରାତ୍ରିରେ ଚୋରି ହୋଇଥିବା ଅଭିଯୋଗ ହୋଇଛି । ମେଡ଼ିକାଲ କର୍ତ୍ତୃପକ୍ଷ ଏନେଇ ବୁର୍ଲା ଥାନାରେ ଲିଖିତ ଅଭିଯୋଗ କରିଛନ୍ତି ।
ବୁର୍ଲା ଏସଡିପିଓ ଏବଂ ଥାନା ଅଧିକାରୀ ଆସି ତଦନ୍ତ ଆରମ୍ଭ କରିଛନ୍ତି । ଭିମସାରର ଏଫଏମଟି, ପାଥୋଲୋଜି, ଆନାଟୋମି, ମାଇକ୍ରୋ ବାଇଓଲୋଜି ବିଭାଗରୁ ଚୋରି ହୋଇଥିବା ଜଣାପଡିଛି ।
ବୁର୍ଲା ଥାନା ଅଧିକାରୀଙ୍କ ସୂଚନା ଅନୁସାରେ 2 ଟି ଲାପଟପ, ଗୋଟେ ପ୍ରିଣ୍ଟର ଓ ଗୋଟେ ପ୍ରୋଜେକ୍ଟର ଚୋରି ହୋଇଛି । ଏନେଇ ତଦନ୍ତ ଜାରି ରହିଥିବା ବୁର୍ଲା ଥାନା ଅଧିକାରୀ ସୂଚନା ଦେଇଛନ୍ତି ।
ସମ୍ବଲପୁରରୁ ବାଦଶାହ ଜୁସ୍ମନ କୁମାର ରଣା, ଇଟିଭି ଭାରତ
