ସମ୍ବଲପୁର: ରାଜ୍ୟ ସରକାରଙ୍କ ପ୍ରିପେଡ ସ୍ମାର୍ଟ ମିଟରକୁ ସମ୍ବଲପୁର ବିଧାୟକ ତଥା ବରିଷ୍ଠ ବିଜେପି ନେତା ଜୟନାରାୟଣ ମିଶ୍ର ବିରୋଧ କରିଛନ୍ତି । ଶୁକ୍ରବାର ଜିଲ୍ଲା ବିଜେପି ପୂର୍ବରୁ ସମ୍ବଲପୁରରେ ପ୍ରିପେଡ ମିଟରକୁ ବିରୋଧ କରିଥିବା ବେଳେ ଶୁକ୍ରବାର ଏହି ପାଇଲଟ ପ୍ରୋଜେକ୍ଟକୁ ବିରୋଧ କରିଛନ୍ତି ଜୟନାରାୟଣ। ଏହି ପାଇଲଟ ପ୍ରୋଜେକ୍ଟକୁ ପ୍ରଥମେ ସମ୍ବଲପୁରରେ କାହିଁକି ଆରମ୍ଭ କରାଯାଉଛି ବୋଲି ସେ ଶ୍ନ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ଏହାଛଡା ଶକ୍ତିମନ୍ତ୍ରୀ ନିଜର ବକ୍ତବ୍ୟରେ ସମ୍ବଲପୁରରେ ବିଦ୍ୟୁତ ଚୋରି ହେଉଥିବାର କହି ପରୋକ୍ଷରେ ସମ୍ବଲପୁରବାସୀଙ୍କୁ ଅପମାନିତ କରିଛନ୍ତି ବୋଲି ଜୟନାରାୟଣ ଅଭିଯୋଗ ଆଣିଛନ୍ତି । ସେ ଏ ନେଇ ବିଭାଗୀୟମନ୍ତ୍ରୀଙ୍କୁ ଭେଟି ଆଲୋଚନା କରିବେ ଓ ଏହା କେବଳ ସମ୍ବଲପୁରରେ ଆରମ୍ଭ ନକରାଯାଇ ସବୁ ଜିଲ୍ଲାରେ ଆରମ୍ଭ କରାଯାଉ ବୋଲି ସେ ତାଙ୍କ ପ୍ରତିକ୍ରିୟାରେ କହିଛନ୍ତି ।