ସମ୍ବଲପୁର: ପାରିବାରିକ କଳହର କରୁଣ ପରିଣତି । ସ୍ତ୍ରୀକୁ କିରୋସିନି ଢାଳି ଜୀଅନ୍ତା ଜଳିଦେଲା ନିର୍ଦ୍ଦୟ ସ୍ବାମୀ । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ସମ୍ବଲପୁର ଜିଲ୍ଲା ମହୁଲପାଲି କେଶେଇବାହାଲ ପଞ୍ଚାୟତର ଫଠାଟାଙ୍ଗର ଗ୍ରାମରେ । ଘରୋଇ କଳି ଯୋଗୁଁ ସ୍ବାମୀ ରଘୁ ରଣା ନିଜ ପତ୍ନୀ ଲିଲିମା ରଣାକୁ କିରୋସିନି ଢାଳି ହତ୍ୟା କରିଥିବା ଜଣାପଡିଛି ।
ପାରିବାରିକ କଳହର କରୁଣ ପରିଣତି, ସ୍ତ୍ରୀକୁ ଜୀଅନ୍ତା ଜାଳିଦେଲା ମଦ୍ୟପ ସ୍ବାମୀ
ସୂଚନାଅନୁସାରେ, ଫଠାଟାଙ୍ଗର ଗ୍ରାମରେ ସ୍ବାମୀ ଓ ସ୍ତ୍ରୀ ଉଭୟ ମହୁଲଫୁଲ ଗୋଟାଇ ଘରକୁ ଫେରିବା ପରେ ସ୍ବାମୀ ରଘୁ ରଣା ମଦ୍ୟପାନ କରି ଘରକୁ ଆସି ସ୍ତ୍ରୀ ଲିଲିମା ରଣା ସହିତ ଗଣ୍ଡଗୋଳ କରିଥିଲେ। ସ୍ତ୍ରୀ ଲିଲିମା ରଣା ସେହି ଗ୍ରାମରେ ନିଜ ମାଆ ଘର ଥିବାରୁ ସେଠାକୁ ଚାଲିଯାଇଥିଲେ। ବାପା ବୁଝାଇବା ପରେ ଲିଲିମାଙ୍କ ଭାଇ ତାଙ୍କୁ ଶଶୁର ଘରେ ରାତି ୧୧ ଟାରେ ଛାଡି ଆସିଥିଲେ।