ସମ୍ବଲପୁର: ହିଣ୍ଡାଲକୋ କମ୍ପାନୀରୁ ଗ୍ୟାସ ଲିକ ହେବା ଫଳରେ ବହୁତ କ୍ଷତି ସହିଥିଲେ ଚାଷୀ । ଚାଷୀଙ୍କୁ କ୍ଷତିପୂରଣ ଦେବା ସହିତ ଏହାର ସ୍ଥାୟୀ ସମାଧାନ ଦାବି କରି ଜିଲ୍ଲା କୃଷି ଅଧିକାରୀଙ୍କ କାର୍ଯ୍ୟାଳୟ ଘେରାଉ କରିଛି ।
କ୍ଷତିପୂରଣ ଦାବିରେ କୃଷକ ସଂଙ୍ଗଠନ
ସୂଚନାନୁସାରେ, ଅଗଷ୍ଟ 28 ତାରିଖ 2020 ମସିହାରେ ହୀରାକୁଦ ହିଣ୍ଡାଲକୋ କମ୍ପାନୀରୁ ନିର୍ଗତ ପ୍ରଦୂଷିତ ଗ୍ୟାସ ଓ ଜଳ ନିର୍ଗତ ହୋଇଥିଲା । ଏଥିରେ 147 ଏକର ଚାଷ ଜମି ନଷ୍ଟ ହୋଇଥିଲା । କେବଳ ଗତ ବର୍ଷ ନୁହେଁ ପ୍ରାୟ ପ୍ରତ୍ୟେକ ବର୍ଷ ଏପରି ହୋଇ ଶହ ଶହ ଏକର ଚାଷ ଜମି ନଷ୍ଟ ହେଉଥିବା ଅଭିଯୋଗ କରିଛନ୍ତି ଚାଷୀ ସଙ୍ଗଠନ ।