ସମ୍ବଲପୁର: ଜିଲ୍ଲାର ହୀରାକୁଦ ଡ୍ୟାମରେ ବନ୍ୟା ଜଳ ନିଷ୍କାସନ ଲାଗି ଖୋଲିଛି ମୋଟ ୨୦ଟି ଗେଟ୍ । ହୀରାକୁଦର ଉପରମୁଣ୍ଡରୁ ବନ୍ୟାଜଳ ପ୍ରବେଶ ବୃଦ୍ଧି ପାଉଥିବାରୁ ଜଳଭଣ୍ଡାରର ଜଳସ୍ତର ନିୟନ୍ତ୍ରଣ କରିବାକୁ ଏହି ଗେଟ୍ ଖୋଲାଯାଇଥିବା ବେଳେ ପ୍ରତିକ୍ରିୟା ରଖିଛନ୍ତି ଜିଲ୍ଲାପାଳ ଅନନ୍ୟା ଦାସ । ଏହି ଗେଟ୍ ଖୋଲିବା ଦ୍ବାରା କୌଣସି ବିପଦ ନାହିଁ ବୋଲି କହିଛନ୍ତି ଜିଲ୍ଲାପାଳ ।
ହୀରାକୁଦରେ ଖୋଲିଲା ୨୦ଟି ଗେଟ, ଜଳ ନିଷ୍କାସନ ନେଇ ଜିଲ୍ଲାପାଳଙ୍କ ପ୍ରତିକ୍ରିୟା
ଆଜି ସକାଳେ ହୀରାକୁଦର ୬ଟି ଗେଟ୍ ଖୋଲିଛି । ଗୁରୁବାର ହୀରାକୁଦର ୧୦ଟି ଗେଟ୍ ପର୍ଯ୍ୟାୟକ୍ରମେ ଖୋଲିଥିଲା । ଆଜି ସକାଳେ ମଧ୍ୟ ୪ଟି ଗେଟ୍ ଖୋଲାଯାଇଥିଲା । ତେବେ ହୀରାକୁଦର ଉପରମୁଣ୍ଡରୁ ବନ୍ୟାଜଳ ପ୍ରବେଶ ବୃଦ୍ଧି ପାଉଥିବାରୁ ଜଳଭଣ୍ଡାରର ଜଳସ୍ତର ନିୟନ୍ତ୍ରଣ କରିବାକୁ ଏବେ ଆହୁରି ୬ଟି ଗେଟ୍ ଖୋଲାଯାଇଛି । ତେବେ ବର୍ତ୍ତମାନ ମୋଟ ୨୦ଟି ଗେଟ୍ ଜରିଆରେ ବନ୍ୟାଜଳ ନିଷ୍କାସନ ଜାରି ରହିଛି ।
ହୀରାକୁଦର ଖୋଲିଲା ଆଉ ୬ ଗେଟ୍