ସମ୍ବଲପୁର: ପଶ୍ଚିମ ଓଡିଶାରେ ହାଇକୋର୍ଟର ସ୍ଥାୟୀ ବେଞ୍ଚ ସ୍ଥାପନା ପାଇଁ ଦୀର୍ଘଦିନରୁ ଦାବି କରିଆସୁଛି ଓକିଲ ସଂଘର କେନ୍ଦ୍ରୀୟ କ୍ରିୟାନୁଷ୍ଠାନ କମିଟି । ଆଉ ଏହାକୁ ସମର୍ଥନ କରି ଜିଲ୍ଲାର ପ୍ରାୟ ବାର ଆସୋସିଏସନ ପ୍ରାୟ ଆନ୍ଦୋଳନରେ ବ୍ୟସ୍ତ । ଏପଟେ ଏହି ପ୍ରସଙ୍ଗକୁ ନେଇ କେନ୍ଦ୍ର ଓ ରାଜ୍ୟ ସରକାର କେବଳ ପ୍ରଶ୍ନୋତ୍ତରରେ ନିଜକୁ ବ୍ୟସ୍ତ ରହି ଦୋଷାରୋପ କରିବାରେ ଲାଗିପଡିଛନ୍ତି। କିନ୍ତୁ ସ୍ଥାୟୀ ବେଞ୍ଚ ପ୍ରତିଷ୍ଠାରେ କଣ ଅସୁବିଧା ତାହା କେହି ବୁଝିବାକୁ ନାରାଜ ପ୍ରାୟ ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ଗତବର୍ଷ ସେପ୍ଟେମ୍ବରରୁ ପ୍ରାୟ 6ମାସ ପର୍ଯ୍ୟନ୍ତ ଓକିଲ ସଙ୍ଘ ଆନ୍ଦୋଳନ କରିଥିଲେ । କିନ୍ତୁ ଫଳ ବଦଳରେ ମିଳିଥିଲା ଫମ୍ପା ପ୍ରତିଶୃତି । ତେବେ ଆନ୍ଦୋଳନର ନିକଟ ଅତୀତକୁ ନଜର ପକାଇଲେ 2019 ଜାନୁଆରୀରେ ମୁଖ୍ୟମନ୍ତ୍ରୀ, କେନ୍ଦ୍ର ଆଇନମନ୍ତ୍ରୀଙ୍କୁ ସ୍ଥାୟୀ ବେଞ୍ଚ ପ୍ରତିଷ୍ଠା ପାଇଁ ଚିଠି ଲେଖିଥିଲେ । କିଛିଦିନ ପରେ ଅର୍ଥାତ 12 ଜାନୁଆରୀରେ କେନ୍ଦ୍ର ଆଇନମନ୍ତ୍ରୀ ଉତ୍ତରରେ ରାଜ୍ୟ ସରକାରଙ୍କୁ ତଥ୍ୟ ସମ୍ବଳିତ ସମ୍ପୂର୍ଣ୍ଣ ରିପୋର୍ଟ ମାଗିଥିଲେ ।