ସମ୍ବଲପୁରରେ ଲାଗି ରହିଛି ବର୍ଷା, ଭାଙ୍ଗିଲା 2 ଘର

ଜିଲ୍ଲାରେ ଲାଗିରହିଛି ପ୍ରବଳ ବର୍ଷା। ଶନିବାର ସକାଳୁ ସମ୍ବଲପୁରରେ ବର୍ଷା ଆରମ୍ଭ ହୋଇଛି।

ସମ୍ବଲପୁର: ଜିଲ୍ଲାରେ ଲାଗିରହିଛି ପ୍ରବଳ ବର୍ଷା। ଶନିବାର ସକାଳୁ ସମ୍ବଲପୁରରେ ବର୍ଷା ଆରମ୍ଭ ହୋଇଛି। ସକାଳୁ ହୋଇଥିବା ପ୍ରବଳ ବର୍ଷା କାରଣରୁ କେତେକ ବସ୍ତି ଅଞ୍ଚଳରେ ଲୋକଙ୍କ ଘର ଭାଙ୍ଗି ଯାଇଛି।

ସମ୍ବଲପୁର ମହାନଗର ନିଗମ ଅଧିନ 38 ନମ୍ବର ୱାର୍ଡର ତୁମ୍ବେସିଙ୍ଗା ଗାଁର ଦୁଃଖ ନାଶନ ଭୋଇ ଓ ତ୍ରିନାଥ ଭୋଇଙ୍କ ଘର ବର୍ଷା ଯୋଗୁଁ ସମ୍ପୂର୍ଣ୍ଣ ରୂପେ ଭାଙ୍ଗିଯାଇଛି । ପ୍ରବଳ ବର୍ଷା ଯୋଗୁଁ କାନ୍ଥ ଭୁଶୁଡି ଯିବା ସହ ଛାତ ମଧ୍ୟ ଉଡିଯାଇଛି। ତେବେ ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି। କ୍ଷତିଗ୍ରସ୍ଥ ପରିବାରଙ୍କୁ କ୍ଷତିପୂରଣ ପ୍ରଦାନ ପାଇଁ ଜିଲ୍ଲା ପ୍ରଶାସନକୁ ଦାବି କରାଯାଇଛି।

ସମ୍ବଲପୁରରୁ ବାଦଶାହା ଜୁସ୍ମନ ରାଣା, ଇଟିଭି ଭାରତ