ସମ୍ବଲପୁର: ସ୍ବାମୀର ଟାଙ୍ଗିଆ ଚୋଟରେ ସ୍ତ୍ରୀର ମୄତ୍ୟୁ । ଏମିତି ଏକ ଲୋମହର୍ଷଣକାରୀ ଘଟଣା ଘଟିଛି ସମ୍ବଲପୁର ଯୁଜୁମୁରା ବ୍ଳକ ମେଘପାଳ ପଞ୍ଚାୟତର ଘୁଷୁରିଆବାହାଲ ଗାଁରେ ।
ସ୍ଵାମୀର ଟାଙ୍ଗିଆ ଚୋଟରେ ସ୍ତ୍ରୀ ମୃତ
ଅଭିଯୁକ୍ତ ପତ୍ନୀହନ୍ତା ସ୍ବାମୀ ହେଉଛନ୍ତି ଜୁଜୁମୁରା ବ୍ଳକ ମେଘପାଲ ପଞ୍ଚାୟତ ଘୁଷୁରିଆବାହାଲ ଗ୍ରାମର ପ୍ରମୋଦ ଭଇଁଷା । ମିଳିଥିବା ସୂଚନା ଅନୁସାରେ ହତ୍ୟାକାରୀ ପ୍ରମୋଦଙ୍କ ସହ ନିଜ ପତ୍ନୀ ପାର୍ବତୀଙ୍କ କୌଣସି କାରଣରୁ ଯୁକ୍ତିତର୍କ ହୋଇ ଝଗଡା ହୋଇଥିଲା । ତେବେ ଏଥିରେ ରାଗିଯାଇ ପ୍ରମୋଦ ନିଜ ସ୍ତ୍ରୀ ପାର୍ବତୀଙ୍କ ମଥାରେ ଟାଙ୍ଗିଆରେ ଆଘାତ କରିବାରୁ ସେ ଗୁରତର ହୋଇ ତଳେ ପଡି ଯାଇଥିଲେ । ପରେ ସ୍ତ୍ରୀଙ୍କୁ ସେହି ଅବସ୍ଥାରେ ଛାଡି ପ୍ରମୋଦ କାମଧନ୍ଦା କରିବାକୁ ବାହାରକୁ ଚାଲି ଯାଇଥିଲେ ।