ସମ୍ବଲପୁର: ଅଧ୍ୟାପକ ବଦଳିକୁ ନେଇ ତାତିଲେ ଛାତ୍ରଛାତ୍ରୀ । ଏକାସାଙ୍ଗରେ 8 ଜଣ ଅଧ୍ୟାପକଙ୍କ ବଦଳିକୁ ବିରୋଧ କରି ଆନ୍ଦୋଳନକୁ ଓହ୍ଲାଇଛନ୍ତି ସମ୍ବଲପୁରର ଜିଏମ ଯୁକ୍ତ 2 ଜୁନିୟର କଲେଜର ଛାତ୍ରଛାତ୍ରୀ । କଲେଜ ମୁଖ୍ୟ ଗେଟ୍ ତାଲା ପକାଇବା ସହ ପ୍ରାୟ ଘଣ୍ଟାଏ ଧରି କଲେଜ ସମ୍ମୁଖରେ ହୋହାଲ୍ଲା କରିଥିଲେ ।
ଅଧ୍ୟାପକ ବଦଳିକୁ ନେଇ ଜିଏମ ଜୁନିୟର କଲେଜରେ ଛାତ୍ର ଅଶାନ୍ତି
ଏହି କଲେଜରେ 9ଟି ଅଧ୍ୟାପକ ପଦବି ଖାଲି ପଡିଥିବା ବେଳେ ପୁଣି 8 ଜଣ ଅଧ୍ୟାପକଙ୍କୁ ବିନା ରିଲିଭରରେ ବଦଳି କରାଯାଇଥିବା ନେଇ ଛାତ୍ରଛାତ୍ରୀ ଅଭିଯୋଗ କରିଛନ୍ତି । ଏହାର ପ୍ରତିବାଦରେ ଗୁରୁବାର ଛାତ୍ରଛାତ୍ରୀ ମାନେ ଜିଏମ କଲେଜ ମୁଖ୍ୟ ଗେଟରେ ତାଲା ପକାଇ ଆନ୍ଦୋଳନ କରିଥିଲେ । କିଛି ସମୟ ପାଇଁ କଲେଜ ପରିସରରେ ଉତ୍ତେଜନା ସୃଷ୍ଟି ହୋଇଥିଲା ।