ହୀରାକୁଦ ଛାଡ଼ିଲା ପ୍ରଥମ ବନ୍ୟାଜଳ, ପର୍ଯ୍ୟାୟ କ୍ରମେ ଖୋଲିଲା 5ଟି ଗେଟ

ହୀରାକୁଦ ଡ୍ୟାମରୁ ଚଳିତ ବର୍ଷର ପ୍ରଥମ ବନ୍ୟାଜଳ ନିଷ୍କାସନ କରାଯାଇଛି । ଆଜି ସକାଳ 11ଟା ସମୟରେ ପାରମ୍ପରିକ ପୂଜାର୍ଚ୍ଚନା ପରେ ହୀରାକୁଦର 5ଟି ଗେଟ ଖୋଲାଯାଇଛି । ଅଧିକ ପଢ଼ନ୍ତୁ

ସମ୍ବଲପୁର: ହୀରାକୁଦ ଡ୍ୟାମରୁ ଚଳିତ ବର୍ଷର ପ୍ରଥମ ବନ୍ୟାଜଳ ନିଷ୍କାସନ କରାଯାଇଛି । ଆଜି ସକାଳ 11ଟା ସମୟରେ ପାରମ୍ପରିକ ପୂଜାର୍ଚ୍ଚନା ପରେ ହୀରାକୁଦର ଲେଫ୍ଟ ଡାଇକ ପଟୁ ପ୍ରଥମେ 7 ନମ୍ବର ସ୍ଲୁଇସ ଗେଟ (sluice gate) ଦେଇ ବନ୍ୟା ଜଳ ନିଷ୍କାସନ କରାଯାଇଛି । ମୁଣ୍ଡରେ ପ୍ରବଳ ବର୍ଷା ଯୋଗୁଁ ହୀରାକୁଦ ଡ୍ୟାମର ଜଳସ୍ଥର ବୃଦ୍ଧି ପାଇବା ପରେ ଆଜି ହୀରାକୁଦର 5ଟି ଗେଟ ଖୋଲାଯାଇଛି ।

କର୍ଭ ରୁଲ ଅନୁସାରେ ହୀରାକୁଦର ଜଳସ୍ତର 605 ଫୁଟ ରହିବା କଥା ତେବେ ବର୍ତ୍ତମାନ ଜଳସ୍ତର 613 ଫୁଟ ଥିବାରୁ ହ୍ରାସ କରିବାକୁ ଗେଟ ଖୋଲାଯାଇଛି । ଲେଫ୍ଟ ଡାଇକରେ 3ଟି ଖୋଲାଯାଇଥିବାବେଳେ ରାଇଟ ଡାଇକରେ 2ଟି ଗେଟ ଖୋଲାଯାଇଛି । ପରିସ୍ଥିତିକୁ ଦେଖି ଗେଟ ପରିଚାଳନା କରାଯିବ ବୋଲି ଡ୍ୟାମର ମୁଖ୍ୟ ଯନ୍ତ୍ରୀ ସୂଚନା ଦେଇଛନ୍ତି ।

ଇଟିଭି ଭାରତ, ସମ୍ବଲପୁର