ସମ୍ବଲପୁର: ଗଞ୍ଜେଇ ଚୋରା ଚାଲାଣବେଳେ ରେଙ୍ଗାଲି ପୋଲିସ ଜଣକୁ ଗିରଫ କରିଛି । ଅଭିଯୁକ୍ତଙ୍କ ନାମ ଗଙ୍ଗାଧର ପଣକା ଓ ତାଙ୍କ ଘର କୋରାପୁଟ ଜିଲ୍ଲାର ନନ୍ଦପୁର ଥାନା ଅଞ୍ଚଳର ବୋଲି ଜଣାପଡିଛି । ଅଭିଯୁକ୍ତଙ୍କ ନିକଟରୁ ଗୋଟିଏ ମୋବାଇଲ, ୨୬ଶହ ନଗଦ ଟଙ୍କା, ୧ କୁଇଣ୍ଟାଲ ୩ କେଜି ଗଞ୍ଜେଇ ଓ ଏକ ଚାରି ଚକିଆ ଗାଡି ଜବତ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର ଗଞ୍ଜେଇ ଛତିଶଗଡ଼କୁ ଚାଲାଣ କରାଯାଉଥିଲା । ସମ୍ବଲପୁର ଝାରସୁଗୁଡା ବିଜୁ ଏକ୍ସପ୍ରେସ ରାଜରାସ୍ତାର ଗୁରୁପାଲି ଛକ ନିକଟରେ ରେଙ୍ଗାଲି ପୋଲିସ ଗାଡିକୁ ପିଛା କରି ଅଭିଯୁକ୍ତଙ୍କୁ ଗିରଫ କରିଥିଲା । ଜବତ ଗଞ୍ଜେଇର ମୂଲ୍ୟ ପ୍ରାୟ 5 ଲକ୍ଷ ଟଙ୍କାରୁ ଊର୍ଦ୍ଧ୍ବ ହେବ ବୋଲି ସମ୍ବଲପୁର ସଦର ଏସଡିପି ଭବାନୀ ଶଙ୍କର ଉଦଗାତା କହିଛନ୍ତି । ତେବେ ଗଞ୍ଜେଇ ନିର୍ଦ୍ଧିଷ୍ଟ ଭାବେ କେଉଁ ସ୍ଥାନରୁ କିଣା ହୋଇ ଛତିଶଗଡ଼ର କେଉଁ ସ୍ଥାନକୁ ଯାଉଥିଲା, ତାହା ଜଣା ପଡ଼ିନାହିଁ । ଗିରଫ ପରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଛି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
