ସମ୍ବଲପୁର: ସହରର ଜଣା ଶୁଣା ତଥା ପ୍ରତିଷ୍ଠିତ ଶିକ୍ଷାବିତ୍, ଲେଖକ, କ୍ରୀଡା ସଙ୍ଗଠକ ତଥା ଉଦଘୋଷକ ଅଭୟ କୁମାର ପାଢୀଙ୍କ 72ବର୍ଷ ବୟସରେ ଦେହାନ୍ତ । କିଛି ଦିନ ତଳେ କୋରୋନାରେ ସଂକ୍ରମିତ ଥିବା ଜଣା ପଡିବା ପରେ ତାଙ୍କୁ ବରଗଡସ୍ଥିତ କୋଭିଡ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା । ଚିକିତ୍ସାଧିନ ଅବସ୍ଥାରେ ସୋମବାର ତାଙ୍କର ପରଲୋକ ହୋଇଛି । ତେବେ ତାଙ୍କ ବିୟୋଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ବିଟ କରି ଶୋକ ପ୍ରକାଶ କରିଛନ୍ତି ।
କୋରୋନା କୋପ; ପ୍ରସାର ଭାରତୀ ପୂର୍ବତନ ଉପମହାନିର୍ଦ୍ଦେଶକଙ୍କ ପରଲୋକ କେନ୍ଦ୍ରମନ୍ତ୍ରୀ ଟ୍ବିଟ କରି କହିଛନ୍ତି, ପ୍ରସାର ଭାରତୀର ଅବସରପ୍ରାପ୍ତ ଅତିରିକ୍ତ ମହାନିର୍ଦ୍ଦେଶକ ଅଭୟ କୁମାର ପାଢୀଙ୍କ ବିୟୋଗରେ ମୁଁ ଦୁଃଖିତ ଓ ମର୍ମାହତ । ସେ ପୂର୍ବରୁ କଟକ ଆକାଶବାଣୀର କେନ୍ଦ୍ର ନିର୍ଦ୍ଦେଶକ ଭାବେ ଗଣମାଧ୍ୟମକୁ ଲୋକପ୍ରିୟ କରିବାରେ ସଫଳ ହୋଇଥିଲେ । ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାର ବର୍ଗକୁ ସମବେଦନା ଜଣାଉଛି ।
କୋରୋନାରେ ପ୍ରସାର ଭାରତୀର ପୂର୍ବତନ ଉପମହାନିର୍ଦ୍ଦେଶକଙ୍କ ଦେହାନ୍ତ, ଶୋକ ପ୍ରକାଶ କଲେ କେନ୍ଦ୍ରମନ୍ତ୍ରୀ ସୂଚନା ଅନୁଯାୟୀ ମୃତ୍ୟୁ ବେଳକୁ ସେ ବରଗଡର କୋଭିଡ ହସ୍ପିଟାଲରେ କୋରୋନାରେ ସଂକ୍ରମିତ ହୋଇ ଚିକିତ୍ସାଧୀନ ରହିଥିଲେ । ସେ ସମଗ୍ର ପଶ୍ଚିମ ଓଡିଶା ତଥା ରାଜ୍ୟସ୍ତରରେ ଜଣେ ଜଣା ଶୁଣା ବ୍ୟକ୍ତିତ୍ବ ଥିଲେ । ଏକା ଧାରରେ ସେ ଜଣେ ଶିକ୍ଷାବିତ୍, କ୍ରୀଡା ସଙ୍ଗଠକ, କଳା ଓ ସଂସ୍କୃତି କ୍ଷେତ୍ରରେ ଜଣେ ବଳିଷ୍ଠ ବ୍ୟକ୍ତିତ୍ବ ତଥା ଲେଖକ ଥିଲେ । ସେ ଅଧ୍ୟାପକ ଭାବେ ଅବସର ନେବା ପରେ ଢେଙ୍କାନାଳସ୍ଥିତ ଭାରତୀୟ ଜନ ସଞ୍ଚାର ସଂସ୍ଥାନରେ ଫ୍ୟାକଲ୍ଟି ମେମ୍ବର ରହିଥିଲେ । ଏହାସହ ସେ ଆକାଶବାଣୀ ସମ୍ବଲପୁର ଓ କଟକରେ ଷ୍ଟେସନ ଡାଇରେକ୍ଟର ଭାବେ କାର୍ଯ୍ୟ କରିସାରିଛନ୍ତି ।
ସେ ପ୍ରସାର ଭାରତୀର ଉପମହାନିର୍ଦ୍ଦେଶକ ଭାବେ ମଧ୍ୟ ଅବସର ନେଇ ସାରିଥିଲେ । ଆକାଶବାଣୀ ସମ୍ବଲପୁରରେ ଆସୁଥିବା ତାଙ୍କର କାର୍ଯ୍ୟକ୍ରମ 'ଟିକେ ଶୁନତ' ବେଶ ଲୋକପ୍ରିୟ ଥିଲା । ପ୍ରଧାନମନ୍ତ୍ରୀ ନେରେନ୍ଦ୍ର ମୋଦିଙ୍କ ପ୍ରମୁଖ ସଚିବ ଡ଼ଃ ପ୍ରମୋଦ ମିଶ୍ରଙ୍କ ବାଲ୍ୟ ବନ୍ଧୁ ତଥା ସହପାଠୀ ଥିଲେ ଅଭୟ । ତେବେ କୋରୋନା ସଂକ୍ରମିତ ହେବା ପୂର୍ବରୁ ସେ ହୃଦରୋଗ ସମସ୍ୟା ସହ ସଂଘର୍ଷ କରି ଆସୁଥିଲେ ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
