ସମ୍ବଲପୁର: ତିତିଲି ଯାଇ ଫନି ଆସିଲାଣି ହେଲେ , ଏଯାଏଁ ଚାଷୀଙ୍କୁ ମିଳିନି ଫାଇଲିନ କ୍ଷତିପୂରଣ । କିଛି ସରକାରୀ ବାବୁଙ୍କ ଅବହେଳା ଯୋଗୁଁ କରଜରେ ବୁଡିଚାଲିଛନ୍ତି 236 ଚାଷୀ । ଏଥିରେ ଉତ୍ତେଜିତ ହୋଇ ସମ୍ବଲପୁର ରେମେଡ କୋ ଅପରେଟିଭ ସୋସାଇଟିରେ ତାଲା ମାରି ଧାରଣାରେ ବସିଛନ୍ତି ଶହ ଶହ ଅନ୍ନଦାତା ତଥା ଚାଷୀ ।
ସୌଜନ୍ୟ- ସମ୍ବାଦଦାତା, ସମ୍ବଲପୁର
2 ବର୍ଷ ବିତିଯାଇଥିଲେ ସୁଦ୍ଧା ବକେୟା ବୀମା ଅର୍ଥ ନ ପାଇ ଚାଷୀ ଅସନ୍ତୋଷ। 2017ରେ ଫାଇଲିନ ଓ ଚକଡ଼ା ଯୋଗୁଁ କ୍ଷତି ସହିଥିବା ଚାଷୀଙ୍କୁ ଆଜି ପର୍ଯ୍ୟନ୍ତ ମିଳିନାହିଁ ଫସଲ ବୀମା ଟଙ୍କା । ଗଡ଼ମୁଣ୍ଡା ପଞ୍ଚାୟତର ବୁଡ଼ାକଟା, ଡେଙ୍ଗିମନଚା, ସିଲିପଥର, ଗରମୁଣ୍ଡା, ମହମ୍ମଦପୁର, ଗୋପାଲପାଲି, କାଇଁଶିର ଗାଁର 236 ଚାଷୀ ପ୍ରାୟ 1 କୋଟି ଟଙ୍କାର ବକେୟା ବୀମା ରାଶି ପାଇନାହାନ୍ତି। ଏ ନେଇ ସେମାନେ ପୂର୍ବରୁ ସବୁ ବିଭାଗୀୟ ଅଧିକାରୀଙ୍କୁ ଜଣାଇ ସାରିଥିବା ସତ୍ତ୍ୱେ ଫଳ ଶୂନ୍ୟ । ଶେଷରେ ହତାସ ହୋଇ ଆନ୍ଦୋଳନ ବାଟ ଆପେଣଥିବା ନେଇ ଚାଷୀକୂଳ ଅଭିଯୋଗ କରିଛନ୍ତି ।