ସମ୍ବଲପୁର: ଲାଲା ଲଜପତ ରାୟ ଆଇନ ମହାବିଦ୍ୟାଳୟରେ କିରାଣୀ ଭାବେ କାର୍ଯ୍ୟ କରୁଥିବା ଜଣେ କର୍ମଚାରୀ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ତେବେ ଅତ୍ୟଧିକ କର୍ମଚାପ ଯୋଗୁଁ ସେ ଆତ୍ମହତ୍ୟା କରିଥିବା ପରିବାର ଲୋକେ ଅଭିଯୋଗ କରିଥିବା ଜଣାପଡିଛି ।
ଅଧିକ କର୍ମଚାପ ଯୋଗୁଁ କର୍ମଚାରୀଙ୍କ ଆତ୍ମହତ୍ୟା ଅଭିଯୋଗ
ମିଳିଥିବା ସୂଚନା ଅନୁସାରେ ଧର୍ମରାଜ ଦଲପଥ ନାମକ ଜଣେ କର୍ମଚାରୀ ସମ୍ବଲପୁର ଲାଲା ଲଜପତ ରାୟ ଆଇନ ମହାବିଦ୍ୟାଳୟରେ ଦୀର୍ଘ 33 ବର୍ଷ ଧରି କିରାଣୀ କାମ କରୁଥିଲେ । କାର୍ଯ୍ୟକ୍ଷେତ୍ରରେ ଅତ୍ୟଧିକ ମାନସିକ ଚାପ ରହୁଥିବାରୁ ସେ ଆତ୍ମହତ୍ୟା କରିଥିବା ଅଭିଯୋଗ କରିଛନ୍ତି ପରିବାର ବର୍ଗ । ସେ କମ୍ପ୍ୟୁଟର ଶିଖିନଥିବାରୁ ହାତରେ କାର୍ଯ୍ୟ କରୁଥିଲେ । ଏଣୁ କଲେଜ ଅଧ୍ୟକ୍ଷ ତାଙ୍କୁ ପସନ୍ଦ କରୁନଥିବା ସହ ବାରମ୍ବାର ତାଙ୍କୁ ଗାଳି ଶୁଣିବାକୁ ପଡୁଥିଲା ବୋଲି ପରିବାର ଲୋକେ ଅଭିଯୋଗ କରିଛନ୍ତି ।