ସମ୍ବଲପୁର: ସମ୍ବଲପୁର ବିଶ୍ବବିଦ୍ୟାଳୟର ଇଣ୍ଡକଶନ ମିଟିଙ୍ଗରେ ଯୋଗ ଦେଲେ ଉଚ୍ଚ ଶିକ୍ଷା ମନ୍ତ୍ରୀ ଅରୁଣ ସାହୁ। ଏହି ବିଶ୍ବବିଦ୍ୟାଳୟରେ ନୂତନ ଭାବେ ଯୋଗ ଦେଇଥିବା ଛାତ୍ରଛାତ୍ରୀଙ୍କ ଉଦ୍ଦେଶ୍ୟରେ ଇଣ୍ଡକଶନ ମିଟିଙ୍ଗ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ ଓ ଉଚ୍ଚଶିକ୍ଷା ସଚିବ ଶାଶ୍ବତ ମିଶ୍ର ସାମିଲ ହୋଇ ନବାଗତ ଛାତ୍ରଛାତ୍ରୀଙ୍କୁ ସଫଳତାର ମନ୍ତ୍ର ଦେଇଥିଲେ।
ଏହି କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କୁ ଆହ୍ବାନ ଦେଇଥିଲେ ଉଚ୍ଚଶିକ୍ଷା ମନ୍ତ୍ରୀ । ଏହି ଅବସରରେ ଶିକ୍ଷା ବ୍ୟତୀତ ସମୟାନୁବର୍ତ୍ତିତା, ଜନସମ୍ପର୍କ, ଡିସିସନ୍ ମେକିଙ୍ଗ, ନିଜର ବ୍ୟବହାର, ଇଭେଣ୍ଟ ମ୍ୟାନେଜମେଣ୍ଟ, ଗୁରୁଙ୍କୁ ସମ୍ମାନ କିପରି ସଫଳତା ପାଇଁ ନିହାତି ଆବଶ୍ୟକ ସେ ନେଇ ଛାତ୍ରଛାତ୍ରୀଙ୍କୁ ଜଣେଇଥିଲେ। ଏହି ଅବସରରେ ସମ୍ବଲପୁର ବିଶ୍ୱବିଦ୍ୟାଳୟ ଏକ ମ୍ୟାଗଜିନ ଉନ୍ମୋଚନ କରିଥିଲେ। ମନ୍ତ୍ରୀଙ୍କ ସହ ସଚିବ ଶାଶ୍ବତ ମିଶ୍ର ମଧ୍ୟ ଛାତ୍ରଛାତ୍ରୀଙ୍କୁ ଶିକ୍ଷିତ ହେବା ସହ ଭଲ ମଣିଷ ହେବା ନେଇ ନିଜ ଅଭିଭାଷଣ ମାଧ୍ୟମରେ କହିଥିଲେ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ