ସମ୍ବଲପୁର: ଜିଲ୍ଲାରେ ବିପର୍ଯ୍ୟସ୍ତ ହୋଇପଡିଛି ଡ୍ରେନେଜ ବ୍ୟବସ୍ଥା । ବହୁ ଦିନ ଧରି ନାଳ ନର୍ଦ୍ଦମାରେ ଜମି ରହିଛି ଅଳିଆ ଆବର୍ଜନା । ଆଉ ସେହି ନାଳ ଦେଇ ଯାଇଛି ଜନସ୍ୱାସ୍ଥ୍ୟ ବିଭାଗର ପାନୀୟ ଜଳ ଯୋଗାଣ ପାଇପ । ବିଭିନ୍ନ ସ୍ଥାନରେ ପାଣି ପାଇପ ଫାଟି ନାଳର ପ୍ରଦୂଷିତ ପାଣି ପଶୁଥିବା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ଏଭିଳି ପରିସ୍ଥିତିରେ ଆଗକୁ ଶୀତଳଷଷ୍ଠୀ ଯାତ୍ରା ଆସୁଥିବାରୁ ସ୍ଥାନୀୟ ଲୋକ ବିପର୍ଯ୍ୟସ୍ତ ଡ୍ରେନେଜ ବ୍ୟବସ୍ଥା ନେଇ ଚିନ୍ତା ପ୍ରକଟ କରିଛନ୍ତି । ପ୍ରତ୍ୟେକ ବର୍ଷ ଶୀତଳଷଷ୍ଠୀ ପୂର୍ବରୁ ନାଳ ସଫା ହେଉଥିବା ବେଳେ ଏଥର ପୂର୍ବ ଭଳି ନାଳ ସଫା ହୋଇନଥିବା ସ୍ଥାନୀୟ ଜନସାଧାରଣ ଅଭିଯୋଗ କରିଛନ୍ତି ।