ସମ୍ବଲପୁର: ରେଳ ଧାରଣାରୁ ଖଣ୍ଡବିଖଣ୍ଡିତ ମୃତଦେହ ଉଦ୍ଧାର । ଶୁକ୍ରବାର ସମ୍ବଲପୁର ଷ୍ଟେସନ ନିକଟରେ ଥିବା ରେଳଧାରଣା ଏକ ବ୍ୟକ୍ତିଙ୍କ ଖଣ୍ଡବିଖଣ୍ଡିତ ମୃତଦେହ ଉଦ୍ଧାର କରାଯାଇଛି । ମୃତକ ଜଣକ ଦେହୁରିପାଲିରେ ରହୁଥିବା 40 ବର୍ଷୀୟ ଅନନ୍ତ ନାରାୟଣ ମୁଦୁଲି ବୋଲି ଜଣାପଡିଛି ।
ଭିଡିଓ ସୌଜନ୍ୟ:ସମ୍ବାଦଦାତା, ସମ୍ବଲପୁର
ସୂଚନା ଅନୁଯାୟୀ, ଗତ ଗୁରୁବାର ରାତିରେ ଅନନ୍ତ ପାରିବାରିକ କଳହ ଯୋଗୁଁ ଘରୁ ବାହାରକୁ ପଳାଇ ଆସିଥିଲେ। ତେବେ ଶୁକ୍ରବାର ସକାଳୁ ତାଙ୍କୁ ଖଣ୍ଡବିଖଣ୍ଡିତ ଅବସ୍ଥାରେ ରେଳ ଧାରଣାରେ ପଡିଥିବାର ଦେଖିବାକୁ ମିଳିଥିଲା ।