ଉଠା ଦୋକାନୀଙ୍କ ସମର୍ଥନରେ ବାହାରିଲା ସମ୍ବଲପୁର କଂଗ୍ରେସ

ସମ୍ବଲପୁରରେ ଥିବା ଉଠା ଦୋକାନୀ ମାନଙ୍କ ଥଇଥାନ କରାଇବା ପାଇଁ ସୋମବାର ଜିଲ୍ଲା କଂଗ୍ରେସ ଏକ ଶୋଭାଯାତ୍ରା କରି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ ।

ସମ୍ବଲପୁର: ଉଠା ଦୋକାନୀଙ୍କ ସମର୍ଥନରେ ସମ୍ବଲପୁର ଜିଲ୍ଲା କଂଗ୍ରେସ । ସମ୍ବଲପୁରରେ ଥିବା ଉଠା ଦୋକାନୀ ମାନଙ୍କ ଥଇଥାନ କରାଇବା ପାଇଁ ସୋମବାର ଜିଲ୍ଲା କଂଗ୍ରେସ ସଭାପତିଙ୍କ ନେତୃତ୍ବରେ ଜିଲ୍ଲା କଂଗ୍ରେସ କାର୍ଯ୍ୟାଳୟରୁ ଏକ ଶୋଭାଯାତ୍ରା ବାହାରି ଜିଲ୍ଳାପାଳ କାର୍ଯ୍ୟାଳୟରେ ପହଞ୍ଚିଥିଲା ।

ସୂଚନା ଅନୁଯାୟୀ, ସମ୍ବଲପୁରର ବିଭିନ୍ନ ପ୍ରମୁଖ ଛକ ଓ ମାର୍କେଟ ଅଞ୍ଚଳରେ ଥିବା ଉଠା ଦୋକାନୀମାନଙ୍କୁ ବିଭିନ୍ନ ସମୟରେ ଉନ୍ନୟନ ମୂଳକ କାର୍ଯ୍ୟ ଆଳରେ ହଟାଇ ଦେଇ ସେମାନଙ୍କୁ ଥଇଥାନ କରାଯାଉ ନଥିବା ଅଭିଯୋଗ କରିଛି ସମ୍ବଲପୁର ଜିଲ୍ଲା କଂଗ୍ରେସ । ଏହି କାରଣରୁ ଗରିବ ବୁଲା ବିକାଳୀ ଓ ଉଠା ଦୋକାନୀ ଗୁଡିକର ପେଟପାଟଣା ଉପରେ ପ୍ରଭାବ ପଡୁଛି।

ଏଭଳି ପରିସ୍ଥିତିରେ ଏମାନଙ୍କୁ ପ୍ରଥମେ ଥଇଥାନ କରାଯାଉ ବୋଲି ଜିଲ୍ଲା କଂଗ୍ରେସ ଦାବି କରିବା ସହ ସମ୍ବଲପୁର ଜିଲ୍ଳାପାଳଙ୍କୁ ଏନେଇ ଏକ ଲିଖିତ ଆବେଦନ କରିଛନ୍ତି । ଯଦି ଦାବି ପୂରଣ କରାନଯାଏ ତେବେ ଆଗାମୀ ଦିନରେ ମଧ୍ୟ ସମ୍ବଲପୁର ଜିଲ୍ଲା କଂଗ୍ରେସ ଏହି ଉଠା ଦୋକାନୀଙ୍କ ହକ ପାଇଁ ଲଢିବ ବୋଲି ସମ୍ବଲପୁର ଜିଲ୍ଲା କଂଗ୍ରେସ ସଭାପତି ଆଶ୍ବିନୀ କୁମାର ଗୁରୁ କହିଛନ୍ତି ।

ସମ୍ବଲପୁରରୁ ବାଦଶାହା ଜୁସ୍ମନ ରାଣା, ଇଟିଭି ଭାରତ