ସମ୍ବଲପୁରରେ ଦୁଇ ଯାତ୍ରୀବାହୀ ବସ ମୁହାଁମୁହିଁ ଧକ୍କା, 7 ଗୁରୁତର

ଗୁରୁବାର ସକାଳ 6ଟାରେ ସମ୍ବଲପୁର ଜିଲ୍ଲା ମାନେଶ୍ଵର ବ୍ଲକ ଅନ୍ତର୍ଗତ ଭବାନୀପାଲି ନିକଟରେ ଦୁଇ ଯାତ୍ରୀବାହୀ ବସ ମୁହାଁମୁହିଁ ଧକ୍କାରେ 7 ଜଣ ଗୁରୁତର ଆହତ ହୋଇଛନ୍ତି ।  ଆହତଙ୍କ ମଧ୍ୟରୁ 2 ଜଣଙ୍କ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ସେମାନଙ୍କୁ ବୁର୍ଲା ବଡ଼ ମେଡିକାଲରେ ଭର୍ତ୍ତି କରାଯାଇଛି ।

ସମ୍ବଲପୁର: ସମ୍ବଲପୁରରେ 2 ଯାତ୍ରୀବାହୀ ବସ ମୁହାଁମୁହିଁ ଧକ୍କା । ଗୁରୁବାର ସକାଳ 6ଟା ସମୟରେ ମାନେଶ୍ଵର ବ୍ଲକ ଅନ୍ତର୍ଗତ ଭବାନୀପାଲି ନିକଟରେ ଦୁଇ ଯାତ୍ରୀବାହୀ ବସ ମୁହାଁମୁହିଁ ଧକ୍କାରେ 7 ଜଣ ଗୁରୁତର ଆହତ ହୋଇଛନ୍ତି ।

ସୂଚନା ମୁତାବକ, ଭୁବନେଶ୍ବରରୁ ବରଗଡ଼ ଆସୁଥିବା ମେନୁ ବସ ଓ ସମ୍ବଲପୁରରୁ ଅନୁଗୁଳ ଯାଉଥିବା ଉଷା ବସ ମଧ୍ୟରେ ଭବାନୀପାଲୀ ଠାରେ ମୁହାଁମୁହିଁ ଧକ୍କା ହୋଇଥିଲା । ଫଳରେ ଏଥିରେ 7 ଜଣ ଯାତ୍ରୀ ଗୁରୁତର ଆହତ ହୋଇଛନ୍ତି ।

ଆହତଙ୍କୁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଥିବାବେଳେ ସେମାନଙ୍କ ମଧ୍ୟରୁ 2 ଜଣଙ୍କ ସ୍ବାସ୍ଥ୍ୟବସ୍ଥା ଗୁରୁତର ହେବାରୁ ସେମାନଙ୍କୁ ବୁର୍ଲା ବଡ଼ ମେଡିକାଲରେ ଭର୍ତ୍ତି କରାଯାଇଛି ।

ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ