ସମ୍ବଲପୁର: ବିଗତ 6 ମାସ ଧରି ଲାଗୁ ହୋଇଥିବା ଲକଡାଉନ କାରଣରୁ ରକ୍ତଦାନ ଶିବିର ଅନୁଷ୍ଠିତ ହୋଇନପାରିବାରୁ ରାଜ୍ୟରେ ରୋଗୀଙ୍କ ପାଇଁ ରକ୍ତ ସଙ୍କଟ ଦେଖାଯାଇଥିଲା। ଯାହା ଫଳରେ ଦୁର୍ଘଟଣାଗ୍ରସ୍ଥ ରୋଗୀ, ସିକେଲସେଲ ଓ ଥଲାସେମିଆ ରୋଗୀ ସମସ୍ୟାରେ ପଡ଼ିଥିଲେ। ଏହି ସମସ୍ୟାର ସମାଧାନ ପାଇଁ ଏବେ ସାରା ରାଜ୍ୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ବିଜେଡି ଦଳ ପକ୍ଷରୁ ରକ୍ତଦାନ ଶିବିର ଆୟୋଜିତ ହେଉଛି। ଏହି କ୍ରମରେ ସମ୍ବଲପୁର ରେଢ଼ାଖୋଲ ବିଧାନସଭା ନିର୍ବାଚନ ମଣ୍ଡଳୀର ଯୁଜୁମୁରା ଓ ମାନେଶ୍ବର ବ୍ଲକର ବିଭିନ୍ନ ସ୍ଥାନରେ ରକ୍ତଦାନ ଶିବିର ଆୟୋଜିତ ହୋଇଛି।
ସମ୍ବଲପୁରର ବିଭିନ୍ନ ସ୍ଥାନରେ ରକ୍ତଦାନ ଶିବିର ଅନୁଷ୍ଠିତ
ସମ୍ବଲପୁର ଜିଲ୍ଲାର ରେଢ଼ାଖୋଲ ବିଧାନସଭା ନିର୍ବାଚନ ମଣ୍ଡଳୀର ମାନେଶ୍ବର ବ୍ଲକ ଗୋଲାବନ୍ଦ ଠାରେ ଏକ ରକ୍ତଦାନ ଶିବିର ରେଢ଼ାଖୋଲ ବିଧାୟକ ରୋହିତ ପୂଜାରୀଙ୍କ ନେତୃତ୍ବରେ ଅନୁଷ୍ଠିତ ହୋଇଯାଇଛି। ଏହି ରକ୍ତଦାନ ଶିବିରରେ ବହୁ ବିଜେଡି ନେତା ଓ କର୍ମୀ ଯୋଗ ଦେଇ କୋଭିଡ କଟକଣା ଭିତରେ ରକ୍ତଦାନ କରିଛନ୍ତି।