ସମ୍ବଲପୁର: ବର୍ତ୍ତମାନ ସାରା ରାଜ୍ୟରେ ରୌଦ୍ର ତାପ ବଢିବାରେ ଲାଗିଛି । ଗୋଟିଏ ପଟେ ତାପମାତ୍ର ବଢୁଥିବାବେଳେ ସାଧାରଣ ଲୋକ ପାଣି ଟିକେ ପାଇବା ଲାଗି ଡହଳବିକଳ ହେଉଛନ୍ତି । ତେବେ ସମ୍ବଲପୁର ସହରରେ ଜଳର ଆବଶ୍ୟକତା ବଢିଥିବାବେଳେ ସାଧାରଣ ଲୋକଙ୍କୁ ଜଳ ଯୋଗାଇବାରେ ଏକ ପ୍ରକାର ବିଫଳ ହୋଇଛି ଜିଲ୍ଲା ପ୍ରଶାସନ ।
ପାନୀୟ ଜଳ ସମସ୍ୟା
ସେହିପରି ସମ୍ବଲପୁର ସହରର ବିଭିନ୍ନ ଅଞ୍ଚଳରେ ପାନୀୟ ଜଳ ଯୋଗାଣ ନେଇ ଅସୁବିଧା ଥିବାରୁ ଲୋକଙ୍କ ଅସନ୍ତୋଷ ବୃଦ୍ଧି ପାଇଛି । ଏପଟେ ଲୋକଙ୍କ ସମସ୍ୟାକୁ ନେଇ ଆଜି(ସୋମବାର) ସମ୍ବଲପୁର ଜିଲ୍ଲା ବିଜେପି ଓ ସ୍ଥାନୀୟ ଲୋକେ ବୁକସ ହଲ ନିକଟରେ ଥିବା ଜନସ୍ବାସ୍ଥ୍ୟ ବିଭାଗ କାର୍ଯ୍ୟାଳୟ ଘେରାଉ କରିଛି । ଏଥିସହ ସହରରେ ବେଆଇନ କନେକ୍ସନ ଓ ପିଏଚଡି ପାଣିକୁ ମୋଟର ପମ୍ପ ଦ୍ୱାରା ଉଠାଇବା ନେଇ ଏହି ସମସ୍ୟା ସୃଷ୍ଟି ହେଉଛି ବୋଲି ଲୋକେ ଅଭିଯୋଗ କରିଛନ୍ତି ।