ସମ୍ବଲପୁର:ମହାମାରୀ ଯୋଗୁଁ ବର୍ତ୍ତମାନ ସୁଦ୍ଧା ସେଲୁନ ଖୋଲିବାକୁ ସରକାର ନିର୍ଦ୍ଦେଶ ଦେଇନଥିବାରୁ ବାରିକ ସମାଜର ଲୋକେ ନିଜର ଜୀବିକା ହରାଇ ଅସୁବିଧାର ସମ୍ମୁଖୀନ ହେଉଥିବା ଜିଲ୍ଲାର ବାରିକ ସମାଜ ଅଭିଯୋଗ କରିଛି। ଏଣୁ ସରକାର ସେଲୁନ ଖୋଲିବାକୁ ଅନୁମତି ଦିଅନ୍ତୁ ନଚେତ ବାରିକ ସମାଜକୁ କ୍ଷତିପୂରଣ ଦେବାକୁ ମୁଖ୍ୟମନ୍ତ୍ରୀଙ୍କୁ ଲିଖିତ ଦାବିପତ୍ର ପ୍ରଦାନ କରିଛି ସମ୍ବଲପୁର ବାରିକ ସମାଜ।
ଲକଡାଉନ ଯୋଗୁଁ କ୍ଷତିପୂରଣ ଦାବି କଲା ବାରିକ ସମାଜ
କୋଭିଡ ଯୋଗୁଁ ବର୍ତ୍ତମାନ ସାରା ରାଜ୍ୟରେ କଟକଣା ଜାରି ରହିଛି। ପଶ୍ଚିମ ଓ ଦକ୍ଷିଣ ଓଡିଶାର 17ଟି ଜିଲ୍ଲାରେ କଟକଣାରେ ଗୁରୁବାରଠାରୁ ଆଂଶିକ କୋହଳ କରାଯାଇଛି। କିନ୍ତୁ ସେଲୁନ ଖୋଲିବାକୁ ସରକାର ଏଯାଏଁ ଅନୁମତି ଦେଇନାହାନ୍ତି । ବାରିକ ସମାଜ ନିଜ ଜୀବିକା ହରାଇ ବହୁ ଅସୁବିଧାର ସମ୍ମୁଖୀନ ହୋଇଛନ୍ତି । ତେବେ ରୋଜଗାର କରି ନିଜ ପରିବାର ପ୍ରତିପୋଷଣ କରିବା ପାଇଁ ସରକାର ସେଲୁନ ଖୋଲିବାକୁ ଅନୁମତି ଦିଅନ୍ତୁ ବୋଲି ସମ୍ବଲପୁର ବାରିକ ସମାଜ ଦାବି କରିଛନ୍ତି ।