ସମ୍ବଲପୁର: କୃଷି ଓ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁଙ୍କ ସମ୍ବଲପୁର ଗସ୍ତ। ଆଜି ସେ ସମ୍ବଲପୁର ବିଶ୍ବବିଦ୍ୟାଳୟ ସମ୍ମିଳନୀ କକ୍ଷରେ ପଶ୍ଚିମ ଓଡ଼ିଶା 7 ଜିଲ୍ଲାର କୃଷି, ହର୍ଟିକଲଚର, ମତ୍ସ୍ୟ,ୱାଟରସେଡ ଓ ଭେଟିନାରୀ ବିଭାଗର ବରିଷ୍ଠ ଅଧିକାରୀଙ୍କ ସହ ଆଲୋଚନା କରିବେ । ରାଜ୍ୟ ସରକାରଙ୍କ ବିଭିନ୍ନ ଯୋଜନାର ସ୍ଥିତି ଓ ଅଗ୍ରଗତି ସମ୍ପର୍କରେ ସମୀକ୍ଷା ବୌଠକ ମଧ୍ୟ କରିବାର କରିଛନ୍ତି ।
ରାଜ୍ୟ ସରକାରଙ୍କ ବିଭିନ୍ନ ଯୋଜନା ଓ କାର୍ଯ୍ୟକ୍ରମକୁ ନିର୍ଦ୍ଧାରିତ ସମୟସୀମା ଭିତରେ ସମାପ୍ତ କରିବାକୁ ମନ୍ତ୍ରୀ ନିର୍ଦେଶ ଦେଇଛନ୍ତି। ଏହି ଅବସରରେ କମ ବର୍ଷା ଯୋଗୁଁ ଚାଷ ପ୍ରଭାବିତ ହୋଇଥିବାର ମନ୍ତ୍ରୀ ସ୍ବୀକାର କରିଛନ୍ତି। ତେବେ ଚାଷୀଙ୍କ ଉଦ୍ଦେଶ୍ୟ ଥିବା ବିଭିନ୍ନ ସୁବିଧା ଚାଷୀକୁ ନମିଳିଲେ ଅବହେଳା କରିଥିବା ଅଧିକାରୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ହେବ ବୋଲି ମନ୍ତ୍ରୀ କହିଛନ୍ତି। ଏହି ଅବସର ରେ ସେ ବଲାଙ୍ଗୀର ଜିଲ୍ଲାର ବିଭିନ୍ନ ସ୍ଥାନରେ ମକା ଚାଷରେ ଲାଗିଥିବା ରୋଗର ନିରାକରଣ ପାଇଁ ଅଧିକାରୀ ଙ୍କ ସହ କର୍ମଶାଳା କରାଯିବ ବୋଲି କହିଛନ୍ତି ।
ସମ୍ବଲପୁରରୁ ବାଦସାହା ଯୁଶମନ୍ତ ରଣା, ଇଟିଭି ଭାରତ