ସମ୍ବଲପୁର: ନିଜ ସୋରୁମରେ କାମ କରୁଥିବା ଆକାଉଣ୍ଟାଣ୍ଟକୁ ଜୀବନରେ ମାରିଦେବାର ଧମକ ଦେଇଛନ୍ତି ସୋ ରୁମ ମାଲିକ। ଏପରି ଅଭିଯୋଗ ଆଣିଛନ୍ତି ସମ୍ବଲପୁର ଜିଲ୍ଲା ସୁନାପଲିର ମହମ୍ମଦ ଅଲତାଫ ହୁସେନ ନାମକ ଜଣେ ଯୁବକ ଯିଏକି ବୁଢ଼ାରାଜାସ୍ଥିତ ଏକ ସୋରୁମରେ କାମ କରନ୍ତି ।
ଆକାଉଣ୍ଟାଣ୍ଟଙ୍କୁ ଜୀବନରେ ମାରିବା ଧମକ ଦେଲେ ମାଲିକ !
ସୂଚନା ଅନୁସାରେ ମହମ୍ମଦ ଅଲତାଫ ହୁସେନ ବୁଢ଼ାରାଜାସ୍ଥିତ ଏକ ସୋରୁମରେ ଆକାଉଣ୍ଟାଣ୍ଟ ଭାବେ କାମ କରି ଆସୁଥିଲେ। 2 ମାସ ହେଲା ତାଙ୍କ ସ୍ବାସ୍ଥ୍ୟଗତ ସମସ୍ୟାରୁ କାମକୁ ଯାଉ ନଥିଲେ। ତେବେ କିଛି ଦିନତଳେ ସୋରୁମ ମାଲିକ ତାଙ୍କୁ ଡାକି ଏକ ହୋଟେଲ ରୁମ ଭିତରେ ବନ୍ଧୁକ ଦେଖାଇ ଏକ କାଗଜରେ ଦସ୍ତଖତ କରିବାକୁ କହିଥିଲେ। ସୋ ରୁମ ମାଲିକ ଅଲତାଫଙ୍କୁ ଟଙ୍କା ଚୋରି କରିଥିବାର କହି ଟଙ୍କା ନ ଫେରାଇଲେ ତାଙ୍କୁ ଓ ତାଙ୍କ ପରିବାରକୁ ବରବାଦ କରିଦେବେ ଓ ବିଭିନ୍ନ ମିଥ୍ୟା କେସରେ ଫସାଇ ଦେବେ ବୋଲି କହିଥିବା ଅଲତାଫ କହିଛନ୍ତି।