ସମ୍ବଲପୁର: ଏବେ ସାରା ବିଶ୍ବ କୋରୋନା ଆତଙ୍କରେ ଆତଙ୍କିତ । କୋରୋନା ଭାଇରସ ସଂକ୍ରମଣ ଜନିତ ମୃତ୍ୟୁସଂଖ୍ୟା ଦିନକୁ ଦିନ ବଢୁଥିବାରୁ ସାରା ବିଶ୍ବରେ ଭୟର ବାତାବରଣ ଖେଳିଯାଇଛି । ତେବେ ଏହି ସଂକ୍ରମଣକୁ ରୋକିବା ପାଇଁ କେନ୍ଦ୍ର ସରକାର ଦେଶବ୍ୟାପୀ 21 ଦିନିଆ ଲକଡାଉନ ଘୋଷଣା କରିଛନ୍ତି । ଏଭଳି ସ୍ଥିତିରେ ଲୋକଙ୍କୁ ସତର୍କତା ଅବଲମ୍ବନ ପାଇଁ କେନ୍ଦ୍ରଠାରୁ ଆରମ୍ଭ କରି ରାଜ୍ୟ ସରକାର ପର୍ଯ୍ୟନ୍ତ ସମସ୍ତେ ସଚେତନ କରାଉଛନ୍ତି । ତେଣୁ ସମ୍ବଲପୁରରେ ମଧ୍ୟ ଏନେଇ ଜିଲ୍ଲା ପ୍ରଶାସନ ସଚେତନତା ସୃଷ୍ଟି କରିବା ସହ ମାସ୍କ ଓ ସାନିଟାଇଜରର ବ୍ୟବହାର ଉପରେ ଗୁରୁତ୍ବ ଦେଉଥିବା ବେଳେ ସାନିଟାଇଜରର ଘୋର ଅଭାବ ପରିଲକ୍ଷିତ ହୋଇଛି । ଏଭଳି ପରିସ୍ଥିତିର ମୁକାବିଲା ପାଇଁ ସମ୍ବଲପୁରର ଜଣେ ଉଚ୍ଚ ଶିକ୍ଷିତ ଯୁବ ଚାଷୀ ଦିବ୍ୟରାଜ ବେରିହା ନିଜେ ହର୍ବାଲ ସାନିଟାଇଜର ତିଆରି କରି ଲୋକଙ୍କୁ ମାଗଣାରେ ବାଣ୍ଟିବା ଚର୍ଚ୍ଚାର ବିଷୟ ପାଲିଟିଛି ।
ମାଗଣାରେ ହରବାଲ ସାନିଟାଇଜର ବାଣ୍ଚିଲେ ଚାଷୀ