ସମ୍ବଲପୁର: କୋରୋନାକୁ ହରାଇଲେ ସମ୍ବଲପୁରର 90 ବର୍ଷୀୟ ମହିଳା । ସମ୍ବଲପୁର ଦେଲେଇପଡା ସାନ ସଡକ ଅଞ୍ଚଳ ର 90 ବର୍ଷୀୟ ସେହନାଜ ବେଗମ କୋରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି। ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ କରି ତାଙ୍କୁ ଅଭିନନ୍ଦନ ଜଣାଇଛନ୍ତି।
କୋରୋନାରୁ ସୁସ୍ଥ ହେଲେ 90 ବର୍ଷୀୟ ମହିଳା, ମୁଖ୍ୟମନ୍ତ୍ରୀ ଜଣାଇଲେ ଅଭିନନ୍ଦନ
ଗତମାସ 16 ତାରିଖରେ ଜ୍ଵର ହେବାରୁ ତାଙ୍କର କୋଭିଡ ପରୀକ୍ଷା ହୋଇଥିଲା । 2 ଦିନ ପରେ 18 ତାରିଖରେ ତାଙ୍କର କୋଭିଡ ପଜିଟିଭ ଆସିଥିଲା । ଏହାପରେ ତାଙ୍କୁ ହୋମ ଆଇସୋଲେସନରେ ରଖା ଯାଇଥିଲା । ତେବେ ତାଙ୍କର ଅକ୍ସିଜେନ ମାତ୍ରା କମିଯିବାରୁ ସମ୍ବଲପୁର କୋଭିଡ ହସ୍ପିଟାଲକୁ ପଠା ଯାଇଥିଲା। ଆଉ ବର୍ତ୍ତମାନ ସେ ସୁସ୍ଥ ହୋଇ ଘରକୁ ଫେରିଛନ୍ତି।