ସମ୍ବଲପୁର: 5ଜଣ ଆନ୍ତଃଜିଲ୍ଲା ଡକାୟତଙ୍କୁ ଗିରଫ କରିଛି ସମ୍ବଲପୁର ଅଇଁଠା ପାଲି ପୋଲିସ । ସେମାନଙ୍କ ସହ 3 ଜଣ ଲୋକଙ୍କୁ ଡକାୟତି ଜିନିଷ କିଣିବା ଅଭିଯୋଗରେ ମଧ୍ୟ ଗିରଫ କରିଛି ପୋଲିସ । ତେବେ ଡକାୟତ ମାନଙ୍କ ମଧ୍ୟରେ ଜଣେ ନାବାଳକକୁ ଅଟକ ରଖାଯାଇଛି ।
ଅଇଁଠା ପାଲି ପୋଲିସ ହାତରେ ଧରା ପଡିଛନ୍ତି 5ଜଣ ଅନ୍ତଃଜିଲ୍ଲା ଡକାୟତ
ଗିରଫ ଡକାୟତ ମାନେ ହେଲେ ସୁନ୍ଦରଗଡ ଜିଲ୍ଲା ରାଉରକେଲା ପ୍ଲାଣ୍ଟ ସାଇଡ ଥାନା ଅଞ୍ଚଳର କାର୍ତ୍ତିକ ମାଝୀ, ରାଉରକେଲା ଉଦିତନଗର ଥାନା ଅଞ୍ଚଳ ର ପବିତ୍ର ଗରତିଆ, ସମ୍ବଲପୁର ଜିଲ୍ଲା ଶାସନ ଥାନା ଅଞ୍ଚଳର ପିପଳପଡା ର ଆକାଶ ହେମ୍ବ୍ରମ ଓ ସମ୍ବଲପୁର ଶାସନ ଥାନା ଅନ୍ତର୍ଗତ ଷ୍ଟେସନପଡାର ପଥର ଓରଫ ସଞ୍ଜୟ ନାଏକ । ସେମାନଙ୍କ ଠାରୁ 8ଲକ୍ଷ 55 ହଜାର 870 ଟଙ୍କାର ସୁନାଗହଣା, କିଛି ନଗଦ ଟଙ୍କା ଓ ଗୋଟିଏ ବାଇକ ଜବତ ହୋଇଛି ।
ଗିରଫ ଡକାୟତମାନେ ସମ୍ବଲପୁର ଅଇଁଠା ପାଲି ଥାନା ଅନ୍ତର୍ଗତ ପ୍ରଧାନ ପଡା ଓ ଅନୁଗୁଳିଆ ପଡା ଅଞ୍ଚଳର 2ଟି ଘରୁ କେହି ନଥିବା ବେଳେ ତାଲା ଭାଙ୍ଗି ଲୁଟ କରିଥିଲେ ।