ସମ୍ବଲପୁର: ନିର୍ବାଚନକୁ ନେଇ ବେଶ ସରଗରମ ହୋଇ ଉଠିଛି ରାଜ୍ୟ ରାଜନୀତି । ଧୁଆଁଧାର ପ୍ରଚାରରେ ଲାଗିଛନ୍ତି ସମସ୍ତ ଦଳର ରାଜନେତା । ଏହି କ୍ରମରେ ଆମେ ପହଞ୍ଚିଥିଲୁ ସମ୍ବଲପୁର ଜିଲ୍ଲାର ଆଦିବାସୀ ବହୁଳ ସଂରକ୍ଷିତ କୁଚିଣ୍ଡା ବିଧାନସଭା ନିର୍ବାଚନ ମଣ୍ଡଳୀରେ । ଏହି ଅବସରରେ ଆମେ ବିଜେଡ଼ିର ବିଧାୟକ ପ୍ରାର୍ଥୀ କିଶୋର ଚନ୍ଦ୍ର ନାଏକଙ୍କୁ ଭେଟି ଆଲୋଚନା କରିଥିଲି । ଏହାସହ ତାଙ୍କୁ ପଚାରିଥିଲୁ 5ଟି ପ୍ରଶ୍ନ ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
ଏହି ଅବସରରେ ସେ କହିଛନ୍ତି ଯେ, ଯଦି ସେ ବିଜୟୀ ହେବେ ତେବେ କୃଷି ଓ କୃଷକଙ୍କ ସମସ୍ୟା ଉପରେ ଅଧିକ ଗୁରୁତ୍ୱ ପ୍ରଦାନ କରିବେ । ଏହାସହ ବେକାରୀ ସମସ୍ୟା ଦୂର କରିବା ପାଇଁ ଆତ୍ମ ନିଯୁକ୍ତି ସୁଯୋଗ ସୃଷ୍ଟି କରିବେ । ଜଳସେଚନ ଓ ଶିକ୍ଷାର ବିକାଶ ପାଇଁ ସ୍ୱତନ୍ତ୍ର ଯୋଜନା ପ୍ରସ୍ତୁତ ଦିଗରେ ପଦକ୍ଷେପ ନିଆଯିବ ବୋଲି କିଶୋର ଚନ୍ଦ୍ର ନାଏକ କହିଛନ୍ତି ।