ହୀରାକୁଦରେ 3ଟି ଗେଟ୍ ବନ୍ଦ

ହୀରାକୁଦ ଡ୍ୟାମରୁ 5ଟି ଗେଟ ଦେଇ ଜଳ ନିଷ୍କାସିତ ହେଉଥିବା ବେଳେ ଗତ ଗୁରୁବାର ବିଳମ୍ବିତ ରାତ୍ରୀରୁ ଶୁକ୍ରବାର ମଧ୍ୟରେ 3ଟି ଗେଟକୁ ବନ୍ଦ କରାଯାଇଛି। ବର୍ତ୍ତମାନ 2ଟି ଗେଟ ଦେଇ ଜଳ ନିଷ୍କାସନ ହେଉଛି ।

ସମ୍ବଲପୁର: ହୀରାକୁଦ ଡ୍ୟାମରୁ 5ଟି ଗେଟ ଦେଇ ଜଳ ନିଷ୍କାସନ ହେଉଥିବା ବେଳେ ଗତ ଗୁରୁବାର ବିଳମ୍ବିତ ରାତ୍ରୀରୁ ଶୁକ୍ରବାର ମଧ୍ୟରେ 3ଟି ଗେଟକୁ ବନ୍ଦ କରାଯାଇଛି। ବର୍ତ୍ତମାନ 2 ଟି ଗେଟ ଦେଇ ଜଳ ନିଷ୍କାସନ ହେଉଛି।

ବର୍ତ୍ତମାନ ଡ୍ୟାମର ଜଳସ୍ତର 630 ଫୁଟ ରହିଛି । ଏହା ସର୍ବୋଚ୍ଚ ଜଳ ଧାରଣ କ୍ଷମତା ଅଟେ। ଏବେ ଜଳଭଣ୍ଡାରକୁ ଉପର ମୁଣ୍ଡରୁ ପ୍ରତି ସେକେଣ୍ଡରେ 54609 କ୍ୟୁସେକ ଜଳ ପ୍ରଵେଶ କରୁଥିବା ବେଳେ ସମାନ ପରିମାଣର ଜଳ ନିଷ୍କାସନ ମଧ୍ୟ ହେଉଛି । ପରବର୍ତ୍ତୀ ସମୟରେ ଉପର ମୁଣ୍ଡର ବର୍ଷାର ପରିମାଣକୁ ନଜରରେ ରଖି ନିଷ୍ପତ୍ତି ନିଆଯିବ ବୋଲି ଡ୍ୟାମ କର୍ତ୍ତୃପକ୍ଷ କହିଛନ୍ତି।

ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ