ମଧ୍ୟାହ୍ନ ଭୋଜନ ଖାଇ 22 ଛାତ୍ରଛାତ୍ରୀ ଅସୁସ୍ଥ !

ମଧ୍ୟାହ୍ନ ଭୋଜନ ଖାଇ ଅସୁସ୍ଥ ହୋଇଛନ୍ତି 22 ଛାତ୍ରଛାତ୍ରୀ । ତେବେ ଅସୁସ୍ଥତାର କାରଣ ଏପର୍ଯ୍ୟନ୍ତ ଅସ୍ପଷ୍ଟ ରହିଛି ।

ସମ୍ବଲପୁର: ଜିଲ୍ଲାର କୁଚିଣ୍ଡା ଉପଖଣ୍ଡ ମହୁଲପାଲି ଥାନା ଚାଲଟିକ୍ରା ଉଚ୍ଚ ପ୍ରାଥମିକ ବିଦ୍ୟାଳୟରେ ମଧ୍ୟାହ୍ନ ଭୋଜନ ପରେ ଅସୁସ୍ଥ ହୋଇ ପଡିଛନ୍ତି ଛାତ୍ରଛାତ୍ରୀ ।

ସୋମବାର ମଧ୍ୟାହ୍ନ ଭୋଜନ କରିବା ପରେ ଅପରାହ୍ନ ପ୍ରାୟ ଅଢେଇଟା ସମୟରେ ପ୍ରଥମେ 2 ଜଣ ଛାତ୍ରଛାତ୍ରୀ ଅସୁସ୍ଥ ହେବା ସହ ଝାଡାବାନ୍ତିରେ ଆକ୍ରାନ୍ତ ହୋଇଥିଲେ। ଏହା ପରେ ଅନ୍ୟ ଛାତ୍ରଛାତ୍ରୀ ମଧ୍ୟ ଅସୁସ୍ଥ ହେବାରୁ ସମସ୍ତ 22 ଜଣ ଛାତ୍ରଛାତ୍ରୀଙ୍କୁ କୁଚିଣ୍ଡା ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ଏମାନଙ୍କ ମଧ୍ୟରୁ 5 ଜଣ ଛାତ୍ରଛାତ୍ରୀ ଏବେ ମଧ୍ୟ ଅସୁସ୍ଥ ଥିବା ବେଳେ ଅନ୍ୟ ମାନଙ୍କ ସ୍ବାସ୍ଥ୍ୟାବସ୍ଥା ସ୍ଵଭାବିକ ହୋଇଥିବା ଜଣାପଡିଛି। ତେବେ କେଉଁ ପରିସ୍ଥିତିରେ ଛାତ୍ରଛାତ୍ରୀ ଅସୁସ୍ଥ ହେଲେ ତାର ସଠିକ କାରଣ ଜଣା ପଡ଼ିନାହିଁ ।

ସମ୍ବଲପୁରରୁ ବାଦଶାହ ଜୁସମନ ରଣା, ଇଟିଭି ଭାରତ