ସମ୍ବଲପୁର: ଆଜି (ବୁଧବାର) ଜିଲ୍ଲାରୁ ପୁଣି 21 ଜଣ ନୂଆ କୋରୋନା ଅକ୍ରାନ୍ତ ଚିହ୍ନଟ ହୋଇଛନ୍ତି । ସମ୍ବଲପୁରରେ ବର୍ତ୍ତମାନ 10 ଦିନିଆ ସଟଡାଉନ ଜାରି ରହିଥିବା ବେଳେ ଏତେ ସଂଖ୍ୟକ ଅକ୍ରାନ୍ତ ଗୋଟିଏ ଦିନରେ ଚିହ୍ନଟ ହେବା ଲୋକଙ୍କ ମଧ୍ୟରେ ଆତଙ୍କ ଦେଖା ଦେଇଛି । ଅକ୍ରାନ୍ତଙ୍କ ମଧ୍ୟରେ 11 ଜଣ ଆକ୍ଟିଭ ସର୍ଭିଲେନ୍ସ ଟିମ ଦ୍ୱାରା ଚିହ୍ନଟ ହୋଇଥିବାବେଳେ 10 ଜଣ ସ୍ଥାନୀୟ ସଂକ୍ରମିତ ଅଛନ୍ତି ।
ଆଜି ସମସ୍ତଙ୍କୁ କୋଭିଡ ହସ୍ପିଟାଲକୁ ପଠାଇ ଦିଆଯାଇଛି । ଅକ୍ରାନ୍ତ ମାନେ ସମସ୍ତେ ସମ୍ବଲପୁର ମହାନଗର ନିଗମ ଅଞ୍ଚଳ, କୁଚିଣ୍ଡା, ଧନକଉଡା ଓ ମାନେଶ୍ୱର ବ୍ଲକ ଅଞ୍ଚଳର ବୋଲି ଜଣାପଡିଛି ।