ସମ୍ବଲପୁର: ମୁଣ୍ଡ ଉପରେ ପରୀକ୍ଷା । ହେଲେ ସ୍କୁଲର ନବମ ଓ ଦଶମ ଶ୍ରେଣୀ ପାଇଁ ନାହାନ୍ତି ଶିକ୍ଷକ । ଜିଲ୍ଲାର ଏହା ଗୋଟିଏ ହାଇସ୍କୁଲର ସମସ୍ୟା ନୁହେଁ, 10ଟି ସ୍କୁଲର ଅବସ୍ଥା ଏପରି । ଏଭଳି ସ୍ଥଳରେ ପିଲାଙ୍କ ଭବିଷ୍ୟତ ସହ କିପରି ଖେଳାଯାଉଛି ତାହାର ନଗ୍ନ ନମୂନା ଦେଖିବାକୁ ମିଳିଛି ଜିଲ୍ଲାରେ ।
ଭିଡିଓ ସୌଜନ୍ୟ: ସମ୍ବାଦଦାତା, ସମ୍ବଲପୁର
କେବଳ ପ୍ରାଥମିକ ସ୍କୁଲ ଶିକ୍ଷକଙ୍କ ଦ୍ବାରା ପରିଚାଳିତ ହେଉଥିବା ଏହି ସ୍କୁଲରେ ପ୍ରଥମରୁ ଦଶମ ଶ୍ରେଣୀ ଯାଏ ରହିଛି । ଆଉ ସପ୍ତାହକୁ 3ଦିନ ଆସି ଶିକ୍ଷାଦାନ କରୁଛନ୍ତି 2ଜଣ ଶିକ୍ଷକ । ବଲାରଙ୍ଗା ହାଇସ୍କୁଲର ନବମ ଓ ଦଶମ ଶ୍ରେଣୀର ଛାତ୍ରଛାତ୍ରୀ ସଂଖ୍ୟା ପ୍ରାୟ 50ଜଣ । ଏଠାରେ 6ଟି ହାଇସ୍କୁଲ ଶିକ୍ଷକ ରହିବା ଦରକାର ହେଲେ ଏଠାରେ ଜଣେ ବି ନାହାନ୍ତି ଶିକ୍ଷକ । ଜିଲ୍ଲାରେ ସରକାରୀ ଶିକ୍ଷା ବ୍ୟବସ୍ଥାକୁ ନେଇ ଶିକ୍ଷା ଅଧିକାରୀ ସୁବୋଧ ଦାସ କହୁଛନ୍ତି, ଜିଲ୍ଲାରେ ଏପରି ହାଇସ୍କୁଲ ଗୋଟିଏ ନୁହେଁ, 10ଟି ରହିଛି ।